PAMUNGKAAN 43:34 - BIBEL JAMITA NA DENGGAN

³⁴ Sian meja ni si Josep ma dibaen panganon ni halahi, jana tu si Benyamin lima noli umbahat dibaen pangoloi i sian angka angkangna i. Jadi mangan minum ma halahi rap dohot si Josep lopus butong be.

PAMUNGKAAN 43:34 ပူးပေါင်းရင်းမြစ်များ

PAMUNGKAAN 35:24

Angka dakdanak ni si Rahel, i ma si Josep dohot si Benyamin.

PAMUNGKAAN 45:22

Diganopi ia muse ma halahi sude sapasang be pakean na imbaru, tapi anggo tu si Benyamin dilehen ia do tolu ratus hepeng perak dohot pakean na imbaru lima pasang.

2 SAMUEL 11:8

Dung i didok si Daud ma tu si Uria, “Antong mulak ma ho jolo tu bagasmu anso maradian ho santongkin.” Dung kehe si Uria sian bagas godang i, ditongos si Daud ma silua tu bagas ni si Uria i.

PODA 31:6

Siinumon na koras tu halak na susa do lehenon jana anggur tu halak na marsak.

PARJAMITA 10:19

Pesta mambaen martata, jana anggur mambaen marmoga-moga. Tapi porlu do hepeng laho manggararisa.

PARJAMITA 9:7

Tole, mangan ma jana marjop ni roha, inum ma anggurmi marmoga-moga. Nada muruk Debata, mur jop noma rohaNia.

ENDE NA GODANG 5:1

Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

HABAKUK 1:6

Angke satutuna Au do pabangkitkon halak Kasdim, bangso na barani dohot na lingkas, na margogo di sandok tano on laho manyoluk angka inganan na so nampuna ni halahi dope.

MATEUS 11:19

Madung ro Anak Ni Jolma i – na mangan dohot na minum, jadi didok halahi, ‘Ligi ma jolo Bayo i! Na songkalan, hum na minum, didongan-dongani Ia angka sijagit pajak dohot angka pardosa.’ Tapi haru pe songon i, na bisuk do Debata. Tarida do habisuhonNia i sian angka pambaenanNia.”

JOHANNES 2:10

didok ia ma tu bayo i, “Anggo somalna anggur na dumenggan do parjolo dilehen halak. Jadi dung tarbahat diinum angka tamu i, i pe anso dilehen anggur na somal. Hape disimpan ho dope anggur na dumenggan, on dope anso diparuar ho!”

1 SAMUEL 1:5

Tapi laing dilehen ia muse do deba di si Hanna, angke sun do holong ni roha ni si Elkana tusia, haru pe na so dilehen Tuhan anak disia.