PAMUNGKAAN 43:32 - BIBEL JAMITA NA DENGGAN

³² Asing ma si Josep dioloi di sada meja na inding, jana di meja na asing ma angka kahangginia i. Angka halak Mesir na dohot mangan disi pe dioloi di meja na asing muse do, angke layas do dihilala halahi muda rap mangan dohot halak Ibrani.

PAMUNGKAAN 43:32 ပူးပေါင်းရင်းမြစ်များ

PAMUNGKAAN 31:54

Disambol ia ma sada pahan-pahanan jana dihaulkon ia ma gabe songon haul na nitutung di ginjang ni dolok i. Diontang ia muse ma angka halaknia rap mangan. Dung abis mangan, marborngin di dolok i ma halahi.

PAMUNGKAAN 43:16

Disi diida si Josep si Benyamin rap dohot angka angkangnia i, didok ia ma tu parkobas na mangapalai sude na di bagasnia i, “Oban ma halahi masuk tu bagasku. Mangan arian di bagas do halahi rap dohot au; jadi sambol ma sada pahan-pahanan, lompa ma i.”

PAMUNGKAAN 46:34

dok hamu ma tu raja i, na somal marmahan hamu sian na menek laing songon ompumunu. Jadi anso disuru ia hamu maringanan di tano Gosen.” Didok si Josep pe songon i, hara ni na so ra do halak Mesir mardongan dohot angka parmahan.

HARURUAR 8:26

“Nada tarpatupa hami i,” ninna si Musa mangalusi, “harana gabe hancit roha ni halak Mesir i, hara ni pahan-pahanan na hami haulkon tu Tuhan Debatanami. Muda gabe hancit do roha ni halak Mesir i hara ni pahan-pahanan na hami sambol jana na hami sombahon di inganan na bolas idaon ni halahi, gabe dangguran ni halak Mesir i ma hami dohot batu lopus mate.