PAMUNGKAAN 43:31 - BIBEL JAMITA NA DENGGAN

³¹ Dung i marsuap ma ia, ruar ma sian kamarnia i, dipapir ia ma rohania jana disuru ia ma paradehon panganon.

PAMUNGKAAN 43:31 ပူးပေါင်းရင်းမြစ်များ

PAMUNGKAAN 45:1

Nada tartahan si Josep be pangkilalaannia di jolo ni angka naposonia i. Jadi disuru ia ma halahi morot sian inganan i anso tarbaen ia paboahon tu angka kahangginia i, sanga ise do ia satutuna.

PODA 10:19

Mur bahat mangkobari, mur bahat do hatiha mardosa, muda giot bisuk, gumonan do hohom sajo iba.

JESAYA 42:14

“Honok ma tutu sai mangkohom Au, lolot ma na so Hualusi bangsongKu. Tapi saonnari dapot hatihana baenon tindakan, mangarar ma Au songon dadaboru na giot tubu-tubuan.

JEREMIA 31:16

Antak ma da na tangis i jana pahiang ilu ni matami! Nada magopo halolojamu tu dakdanakmi. Jagitonmu do tumbasna marmulahan do dakdanakmi sian tano ni musu.

1 PETRUS 3:10

Di Buku Na Badia i tarsurat do songon on, “Sanga ise na giot maruli hangoluan jana na giot mandai angka ari na denggan, angkon jagohononna do dilana anso ulang dohot mangkobari angka na jat jana ulang mandok hata gabus bibirna.