PAMUNGKAAN 43:29 - BIBEL JAMITA NA DENGGAN

²⁹ Disi diida si Josep si Benyamin angginia i, didok ia ma, “On ma he anggimunu sianggian na nidokmunu i tu au? Sai dipasupasu Debata ma da ho anakku,” ning ia.

PAMUNGKAAN 43:29 ပူးပေါင်းရင်းမြစ်များ

PAMUNGKAAN 35:24

Angka dakdanak ni si Rahel, i ma si Josep dohot si Benyamin.

PAMUNGKAAN 42:11

Na martinadohon do hami on, tuan. Nanggo na mamata-matai hami, tapi halak na burju do hami.”

PAMUNGKAAN 42:13

Ning halahi ma mangalusi, “Dua bolas halak do hami martinadohon tuan, na saama do hami, jana di Kanaan do amanta na umpompar hami. Anggo sada madung jumolo sian hami jana sianggian i rap dohot amanta do saonnari.”

PAMUNGKAAN 44:21

Na nisuru ni tuan i do anso hami oban ia tuson, anso marsuo ia dohot tuan i.

PAMUNGKAAN 45:8

Jadi anggo satutuna, nanggo hamu da na manongos au tuson, tapi Debata do. Madung dibaen Debata au gabe pagawe na pargincat di raja i. Dipasahat do tu au sude kuaso na di luat on; au do na markuaso di tano Mesir on sude.

2 JUJUR TAON 29:11

Hamu angka dakdanakku, ulang be palambat-lambat hamu, angke hamu do na nipili ni Tuhan laho manutung dupa diSia dohot na laho mamimpin rayat i maribadat tuSia.”

MASMUR 111:4

Gabe parningotan do dibaen Ia angka tanda hahomangan na nibaenNia; paribo jana parholong roha do Tuhan i.

MASMUR 112:4

Marsinondang ma na torang di bagasan hagolapan, di halak na burju, na tigor, parholong dohot paribo.

MASMUR 67:1

Sai di dongani asi ni roha ni Debata ma hita jana dipasupasu hita, sai didompakkon ma bohiNa tu hita;

JESAYA 30:19

Ale hamu na maringanan di Jerusalem, nada sai mangandungi be hamu. Ibo roha ni Tuhan jana alusanNia ma hamu muda pio-pio hamu tuSia mangido tolong.

JESAYA 33:2

Tuhan, ibo ma rohaMu di hami, marpos ni roha tu Ho do hami. Sai jagohon ma hami sian ari tu ari jana palua ma hami di hamamasa ni hasusaan.

MALEAKI 1:9

Antong, hamu ale angka malim, cubo hamu ma jolo mangido tu Debata anso ibo nian rohaNia mida hita. Nada alusanNia tangiangmi, jana patunda ni dosamu sandiri ma sudena i.

BILANGAN 6:25

Sai disondangkon Tuhan ma bohiNa tu hamu jana asi ma rohaNa di hamu.

MATEUS 9:2

Jadi ro ma halak maroban sada bayo na onyangon payak di podomanna. Di na niida ni Jesus godang ni haporsayaan ni halahi, ning Ia ma tu na onyangon i, “Papos ma rohamu, amang! Madung nisesa dosamu.”

MATEUS 9:22

Tapi manaili ma Jesus tu pudi, diida Ia ma anak boru i. Didok Ia ma, “Pos ma rohamu inang! Madung dipalua haporsayaanmi ho!” Santongkin i manigor malum ma nyae ni anak boru i.

MARKUS 10:24

Homang ma roha ni angka siseanNia i umbege na nidok ni Jesus i. Hape didok Jesus muse, “Hamu angka dakdanakKu! Tutu do i, na maol do laho masuk tu Harajaan Ni Debata!

1 TIMOTEUS 1:2

Tu si Timoteus anakku situtu di bagasan haporsayaan. Asi ni roha dohot hasonangan ma di ho sian Debata Amanta dohot sian Kristus Jesus Tuhanta i.

IBRANI 13:1

Tongtong ma jagohon hamu holong maradopkon dongan!

JOSUA 7:19

Didok si Josua ma tu si Akan, “Ale anak hasian! Oku jana dokkon ma torus torang di jolo ni Tuhan, Debata ni Israel, sanga aha na nibaenmu. Paboa ma tu au, ulang bunihon.”