PAMUNGKAAN 43:27 - BIBEL JAMITA NA DENGGAN

²⁷ Disapai si Josep ma sanga na horas-horas do halahi, jana didok ia ma, “Madung dibaritahon hamu tu au taringot tu amanta hamu na dung matobang i – bia do baritania? Mangolu dope he ia, jana horas dope?”

PAMUNGKAAN 43:27 ပူးပေါင်းရင်းမြစ်များ

PAMUNGKAAN 37:14

Ning amangnia i ma, “Kehe ma jolo ho mangaligi angkangmi sanga na horas do halahi dohot hambeng biri-birinta i betak na denggan do; jadi mulak ma ho tuson, paboa tu au sanga na bia do.” Jadi dipakehe ia ma si Josep manadingkon Rura Hebron. Nada sadia honok, lalu ma si Josep tu Sikem.

PAMUNGKAAN 41:16

Ninna si Josep ma mangalusi, “Nanggo au da rajanami, tapi Debata do na giot mangalehen hatorangan na tumbuk.”

PAMUNGKAAN 42:11

Na martinadohon do hami on, tuan. Nanggo na mamata-matai hami, tapi halak na burju do hami.”

PAMUNGKAAN 42:13

Ning halahi ma mangalusi, “Dua bolas halak do hami martinadohon tuan, na saama do hami, jana di Kanaan do amanta na umpompar hami. Anggo sada madung jumolo sian hami jana sianggian i rap dohot amanta do saonnari.”

PAMUNGKAAN 43:7

Dialusi halahi ma, “Na torus do disapa-sapai halahi taringot tu hami dohot taringot tu isi ni bagasta, ‘Mangolu dope amanta hamu? Adong dope anggimunu halaklahi na asing?’ ninna halahi. Tontu angkon alusannami do sude sapa-sapania i. Na hami pikir hian ma he lakna angkon suruonnia hami maroban angginami i?”

PAMUNGKAAN 45:3

Didok si Josep ma tu kahangginia i, “Si Josep do da au. Laing mangolu dope he amanta?” ning ia. Tapi dung dibege angka kahangginia i songon i, gabe sun ma biar ni halahi gabe nada taralusi halahi be bagi aha.

2 RAJA-RAJA 4:26

Kehe ma ompoti mangalo-alo ia jana sapai sanga na bia pangalahonia dohot halaklahinia i bope dakdanaknia i.” Didok dadaboru i ma tu si Gehasi, denggan do sude.

1 JUJUR TAON 18:10

Jadi disuruhon ia ma anaknia si Hadoram palaluhon tabe tu Raja Daud dohot hata horas-horas domu tu hamonangannia i, harana na dung honok do marmusu ia dohot si Hadadeser. Bahat do dioban si Hadoram sere, perak dohot tumbaga siluania di si Daud.

HARURUAR 18:7

Jadi kehe ma si Musa mangalo-alo halahi. Manungkap ma ia di jolo ni si Jetro, jana diumma ia ma. Marsisapaan ma halahi sanga na horas torkis be do halahi sude, jadi dung i, masuk ma halahi tu bagasan bandar ni si Musa i.

HAKIM-HAKIM 18:15

Jadi kehe ma halahi tu bagas ni si Mika, tu bagas inganan ni doli-doli Marga Levi i jana dijalang halahi ma ia.

1 SAMUEL 17:22

Dung i dipasimpankon si Daud ma na niobannia i tu panjago barang-barang ni tentara i jana dilojong ia ma tu galanggang ni porang i laho mandapotkon angka angkangnia i jana disapai ma sanga na horas halahi.

1 SAMUEL 25:5

disuruhon ia ma sampulu halak doli-doli kehe tu Karmel, mandapotkon si Nabal laho palaluhon tabe ni si Daud tusia.