PAMUNGKAAN 43:26 - BIBEL JAMITA NA DENGGAN

²⁶ Dung lalu si Josep tu bagas, dioban halahi ma angka silua i tu bagasan jana marsomba ma halahi tu si Josep laho pasahatkonsa.

PAMUNGKAAN 43:26 ပူးပေါင်းရင်းမြစ်များ

PAMUNGKAAN 27:29

Sai gabe naposomu ma da angka bangso na marragam, jana talu ma maradopkon ho angka marga ni bangso na asing. Sai rajaanmu ma sude angka kahanggimu jana marsomba di jolomu ma pomparan ni inangmu. Sai hona bura ma sanga ise na mamurai ho jana tarpasupasu ma sanga ise na mamasumasu ho.”

PAMUNGKAAN 33:3

Mardalan ma si Jakob di jolo ni halahi sude, di na mur mandonok ia mandapotkon angkangnia i, manungkap ma ia marsomba pitu noli.

PAMUNGKAAN 42:6

Hara ni jabatan ni si Josep songon gubernur di Mesir, manggadisi eme ma ia tu halak na ro sian na satano on. Jadi di na songon i, ro muse ma angka angkangnia tusia jana marsomba ma halahi di jolonia.

PAMUNGKAAN 43:11

Jadi didok amang ni halahi i ma, “Muda na angkon songon i ma jadina, antong oban hamu ma suha na dumenggan sian luat on di bagasan harungmunu i baen silua di gubernur i; baen hamu ma miak na huskus saotik, aer ni loba saotik, parmasak, lajo dohot batu ni barangan.

PAMUNGKAAN 43:28

Dialusi halahi ma, “Anggo amanta hami naposomi, laing mangolu dope jana horas do ia.” Jadi marsomba ma halahi tusia.

MASMUR 72:9

Angka bangso na di padang parhorsihan tunduk ma tusia jana marsomba muse di jolo ni patnia.

HARURUAR 18:7

Jadi kehe ma si Musa mangalo-alo halahi. Manungkap ma ia di jolo ni si Jetro, jana diumma ia ma. Marsisapaan ma halahi sanga na horas torkis be do halahi sude, jadi dung i, masuk ma halahi tu bagasan bandar ni si Musa i.

SURAT NI SI PAULUS TU PARLAGUTAN ROM 14:11

Angke tarsurat do, “Na mangolu do Au,” ninna Tuhan i, “jadi sude halak angkon marsinggang di jolongKu; jana okuon ni ganop halak ma, Au do Debata.”