PAMUNGKAAN 43:23 - BIBEL JAMITA NA DENGGAN

²³ Didok parhobas i ma, “Ulang pola sak rohamunu disi. Ulang hamu mabiar, tontu na nipamasuk ni Debata do i mangulahi, tu bagasan harungmunu i, i ma Debata na nisomba ni amangmunu i. Na dung hujagit do garar ni ememunu i.”

PAMUNGKAAN 43:23 ပူးပေါင်းရင်းမြစ်များ

PAMUNGKAAN 42:24

Ditadingkon si Josep ma halahi, tangis ma ia. Dung tarbaen mangulahi manghobari, diulahi ia ma mandapotkon halahi, jana dipiohon ia ma si Simeon, disuru ia ma na manambat si Simeon di jolo ni halahi sude.

PAMUNGKAAN 42:28

“Ligi da, adong indon di harungkon,” ning ia tu dongan saamania i. “Dipaulak do hepengki.” Gabe heput ma roha ni halahi jana marsisapa-sapaan ma halahi sama halahi hara ni biarna, “Aha ma ulaning na nibaen ni Debata tu hita?” ning halahi.

PAMUNGKAAN 42:36

Jadi didok amang ni halahi i ma, “Na por dehe rohamu agoan au di anakki sude? So adong be si Josep; si Simeon pe so adong be, saonnari si Benyamin muse noma na giot buatonmunu. Di au do da na dangolna!”

PAMUNGKAAN 43:14

Sai ibo ma roha ni gubernur i mida hamu dibaen Debata Na Gumogo i anso ra ia paulakkon si Benyamin dohot si Simeon tu hamu. Anggo salaho tu au, muda na angkon sai na magoan ma di angka dakdanakki, padiar ma agoan au di halahi.”

PAMUNGKAAN 43:22

Tamba ni i hami oban muse do hepeng panobusi panganon mangulahi. Na so hami boto do sanga ise na pamasukkon hepengnami i mangulahi tu bagasan harungnami i.”

1 JUJUR TAON 12:18

Jadi adong ma sahalak sian halahi, i ma si Amasai na gabe pamimpin ni na margoar “Tridasawira i”, digohi Tondi Ni Debata ma ia jana didok ia ma, “O Daud, anak ni si Isai! Donganmu do da hami! Sai manjadi ma nian karejomu dohot angka na mandongani ho. Mamihak tu ho do Debata!” Jadi dijaluangi si Daud ma halahi jana diangkat ia ma halahi gabe perwira di tonga-tonga ni tentarania i.

1 JUJUR TAON 12:19

Adong ma deba parajurit na sian Marga Manase na marbalik mamihak tu si Daud di na marporang ia dohot halak Pilistin mangalo Raja Saul. Satutuna nian nada pola na niurupannia halak Pilistin i; na disuru ni halak Pilistin i do ia mulak tu Ziklag hara ni na mabiar halahi betak marbalik ia lalu tu pihak ni Raja Saul jana dihianati ia halahi.

ESRA 4:17

Dibalos raja i ma songon on, “Mandapotkon Gubernur Rehum dohot si Simsai sekretaris propinsi maradu angka dongan ni halahi na maringanan di Samaria dohot di angka kota na asing di Efrat Hasundutan. Horas ma.

LUKAS 10:5

Muda masuk hamu tu sada bagas manigor dokkononmunu ma, ‘Hasonangan ma di bagas on.’

LUKAS 24:36

Jadi taran na mangkobari i dope sudena halahi, ompot ma jongjong Jesus di tonga-tonga ni halahi, “Dame ma di hamu!” ning Ia.

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

JOHANNES 20:19

Laing di Ari Minggu i dung borngin marlagut ma anak sisean ni Jesus di sada bagas. Digoruk halahi ma sude pintu ni bagas i; hara ni na mabiar halahi tu angka parkuaso ni halak Jahudi. Jadi tompu ma ro Jesus jongjong di tonga-tonga ni halahi, ning Ia ma, “Hasonangan ma di hamu!”

JOHANNES 20:21

Dung i didok Jesus ma tu halahi sanoli nari, “Hasonangan ma di hamu! Songon parsuru ni Damang di Au, laing songon i ma hamu Husuru.”

JOHANNES 20:26

Dung salapan ari, marlagut ma mangulahi angka sisean ni Jesus di bagas i, dohot ma si Tomas disi. Margoruk do sude pintu ni bagas i. Tapi ro ma Jesus jongjong di tonga-tonga ni halahi, ning Ia ma, “Hasonangan ma di hamu!”

HAKIM-HAKIM 19:20

Jadi didok na tobang-tobang i ma, “Ulang pola gamang hamu, hutolong pe hamu annon. Ulang di alaman on hamu marborngin.”

HAKIM-HAKIM 6:23

Tapi didok Tuhan ma tusia, “Horas ma da ho! Ulang ho mabiar. Nada jabat mate ho.”

1 SAMUEL 25:6

Disuru ia ma halahi mandok songon on tu si Nabal, “Horas ma di ho, di dongan sabagasmu dohot di sude sinadonganmu.