PAMUNGKAAN 43:14 - BIBEL JAMITA NA DENGGAN

¹⁴ Sai ibo ma roha ni gubernur i mida hamu dibaen Debata Na Gumogo i anso ra ia paulakkon si Benyamin dohot si Simeon tu hamu. Anggo salaho tu au, muda na angkon sai na magoan ma di angka dakdanakki, padiar ma agoan au di halahi.”

PAMUNGKAAN 43:14 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 22:14

Dibaen si Abraham ma goar ni inganan i, “Tuhan do paradehon”. Jana lopus saonnari laing didokkon halak do, “Tuhan do paradehon di dolokNia”.

PAMUNGKAAN 28:3

Sai dipasupasu Debata Na Gumogo i ma parsaripeonmunu jana dilehen ma di ho hagabean maranak marpahompu ho anso gabe ompu ni bahat bangso ho!

PAMUNGKAAN 35:11

Jadi didok Debata ma tusia, “Au do Debata Na Gumogo. Sai gabe ma ho, marpomparan na bahat! Ruar ma sian ho angka bangso jana gabe ompung ni angka raja-raja ma ho.

PAMUNGKAAN 39:21

Tapi didongani jana dipasupasu Tuhan do si Josep, jabat gabe jop roha ni kapala ni hurungan i mida ia.

PAMUNGKAAN 42:24

Ditadingkon si Josep ma halahi, tangis ma ia. Dung tarbaen mangulahi manghobari, diulahi ia ma mandapotkon halahi, jana dipiohon ia ma si Simeon, disuru ia ma na manambat si Simeon di jolo ni halahi sude.

PAMUNGKAAN 42:36

Jadi didok amang ni halahi i ma, “Na por dehe rohamu agoan au di anakki sude? So adong be si Josep; si Simeon pe so adong be, saonnari si Benyamin muse noma na giot buatonmunu. Di au do da na dangolna!”

PAMUNGKAAN 43:13

Oban hamu ma anggimi jana tibu ma hamu mulak.

PAMUNGKAAN 44:12

Tangkas ma dipareso parkobas ni si Josep i, dipungka ia ma sian harung ni siangkaan lalu tu harung ni sianggian i, jana dapot ma piala i di bagasan harung ni si Benyamin.

ESRA 7:27

Jadi didok si Esra ma, “Puji ma Tuhan, Debata na nisomba ni ompunta i! Madung disungguli Ia roha ni raja gabe ra ia mangalehen rohana tangkas tu Bagas Ni Tuhan di Jerusalem.

NEHEMIA 1:11

Tangihon ma tangiangku dohot tangiang ni sude naposoMu na asing i, na ra pasangankon Ho. Lehen ma pangurupiMu anso laing tulus naposoMon sadari on dapotan asi ni roha sian raja.” Siurus inumon ni raja do au di hatiha i.

ESTER 4:16

“Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”

MASMUR 100:5

Dibaen na denggan do Tuhan i jana tongtong manghaholongi sapanjangna do habonaranNia.

MASMUR 106:46

Disosoi Ho roha ni sude alona, gabe maribo roha paida-idasa.

MASMUR 119:41

Patuduhon ma ale Tuhan, sanga songon dia pangkaholongiMu di au, palua ma au hombar tu baga-bagaMu.

MASMUR 85:7

Patuduhon ma holong ni rohaMu na manongtong i, ale Tuhan, lehen ma di hami haluaan.

PODA 1:1

On ma angka poda ni si Salomo anak ni si Daud, raja ni Israel.

PODA 16:7

Muda dipasonang ho roha ni Tuhan angka musumu dibaen Ia gabe dongan.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

JESAYA 49:13

Marende ma ho, o langit, marsurak ma ho ale portibi, marsurak angka dolok marendei. Ro Tuhan mangapoi bangsoNia i, dihaholongi Ia bangsoNia angka na susa.

LUKAS 1:50

Sian sundut tu sundut do holong ni rohaNia maradopkon halak na mabiar tuSia.

JOHANNES 19:22

Tapi ninna si Latus ma mangalusi, “Nada uba-ubaon be sanga aha na dung husuratkon i!”

BAENON NI ANGKA RASUL 21:14

Umpe ditangihon si Paulus na hami dokkon i, gabe sip noma hami. “Sai roha ni Tuhan i sajo ma na tulus,” ning hami noma.

BAENON NI ANGKA RASUL 7:10

jana na paluahon ia sian sude parkancitannia. Dilehen ma tusia asi ni roha dohot bisuk di na kehe ia mangadop tu jolo ni raja ni Mesir i; diangkat raja i ma ia gabe kapala di tano Mesir, dohot di bagas godang ni raja i.

1 TIMOTEUS 1:16

Tapi laing hara ni i muse ma dihaholongi Debata au, anso laing tarpatuduhon Jesus Kristus hasobaronNia maradopkon au halak pardosa on. Jana gabe tiruan ma on di angka na giot porsaya muse tuSia jana na manjagit hangoluan na so mantak.

1 TIMOTEUS 1:2

Tu si Timoteus anakku situtu di bagasan haporsayaan. Asi ni roha dohot hasonangan ma di ho sian Debata Amanta dohot sian Kristus Jesus Tuhanta i.

TITUS 1:4

Tu si Titus, anakku, mangihutkon haporsayaanta. Asi ni roha dohot hasonangan ma di ho, sian Debata Ama dohot Kristus Jesus, Sipalua hita.

2 JOHANNES 1:3

Sai dipasupasu ma hita jana sai dilehen ma asi ni roha dohot hasonangan sian Debata Amanta i dohot sian Jesus Kristus Anak Ni Debata Ama i. Sai maruli ma hita di sudena i di bagasan hasintongan dohot holong ni roha.