PAMUNGKAAN 42:9 - BIBEL JAMITA NA DENGGAN

⁹ Jadi taringot ma ia tu nipinia salaho tu halahi. Jana didok ia ma, “Na mamata-matai do da hamu on; na giot mamboto angka hagaleannami di luatnami on do umbaen na ro hamu tuson.”

PAMUNGKAAN 42:9 ပူးပေါင်းရင်းမြစ်များ

PAMUNGKAAN 37:11

Goyak ma roha ni angka angkangna i mida si Josep, tapi anggo amangna i laing marpikir-pikir do taringot tu nipi i.

PAMUNGKAAN 42:16

Kehe ma sahalak sian hamu mangalapsa. Ditahan ma na asing i lopus tangkas hatamunu i na tutu. Anggo inda, mangasahon goar ni raja i, na mamata-matai do hamu!”

PAMUNGKAAN 42:34

Oban hamu ma sianggianmunu i tu au. Baru pe dung i anso huboto na so tutu hamu ma mamata-matai tapi halak na burju do. Hupaulak pe anggimunu i tu hamu jana tola ma hamu maringanan dison laho marjagal.’ ”

2 SAMUEL 10:3

Tapi didok angka parpangkat na di Luat Amon i ma tu si Hanun, “Na diambang roha ni raja i dehe lakna na laho pasangapkon amanta umbaen na ditongos si Daud tonana dohot mararsak ni roha i. Nada! Na giot mamata-matai kota on do disuru ia angka jolma i tuson, anso tartaluhon ia kota on muse.”

HARURUAR 32:35

Songon i ma dipamasa Tuhan nyae tu halahi patunda ni na nipaksa ni halahi si Harun mambaen anak ni lombu sian sere.

BILANGAN 13:2

“Sian angka pamimpin di bagasan na dua bolas marga i, pili ma sahalak sian ganop marga. Dokkon ma halahi gabe mata-mata na kehe paresohon tano Kanaan, na giot lehenonKu di halak Israel.”

LUKAS 20:20

Jadi sai dijalahi halahi ma hatiha na denggan. Dilehen halahi ma hepeng sogok tu halak na gabe kaki tangan ni halahi jana disuru halahi ma angka kaki tangan i mangalancap songon halak na burju laho mangonjap Jesus markite-hite sapa-sapa, anso tarpasahat halahi Jesus tu toru ni kuaso ni gubernur.

IBRANI 11:31

Laing hara ni haporsayaan, gabe nada dohot si Rahab dadaboru jalang i mate rap dohot angka na mangalo Debata; angke denggan do dibaen ia manjagit angka pamata-matai ni halak Israel.

JOSUA 2:1

Dung i disuru si Josua ma tu Kanaan dua halak mata-mata sian parbandaran na di Sitim. Diparentahon do mata-mata sidua halak i laho manangkasi tano Kanaan di na buni, lumobi kota Jeriko. Jadi kehe ma sidua halak i tu kota i, jana marborngin ma halahi di bagas ni sada dadaboru jalang na margoar si Rahab.

JOSUA 6:23

Jadi kehe ma mata-mata sidua halak i jana dioban halahi ma si Rahab haruar rap dohot ama-inania, angka ibotona dohot koum sisolkotnia na deba nari. Dioban ma sude sisolkot ni si Rahab maradu angka hatobanna tu ruar tu inganan na aman di lambung parbandaran ni Israel.

HAKIM-HAKIM 1:24

Di na giot lalu tu kota i angka na mata-mata i, marsuo ma halahi dohot sada bayo na giot manadingkon kota i. Didok halahi ma tusia, “Muda dipaboa ho sanga na bia baenonnami anso tarbaen masuk tu bagasan kota i, nada baenonnami na jat tu ho.”

1 SAMUEL 26:4

Jadi disuru ia ma pamata-matai jana tangkas ma diboto ia na disi do si Saul.