PAMUNGKAAN 42:24 - BIBEL JAMITA NA DENGGAN

²⁴ Ditadingkon si Josep ma halahi, tangis ma ia. Dung tarbaen mangulahi manghobari, diulahi ia ma mandapotkon halahi, jana dipiohon ia ma si Simeon, disuru ia ma na manambat si Simeon di jolo ni halahi sude.

PAMUNGKAAN 42:24 ပူးပေါင်းရင်းမြစ်များ

PAMUNGKAAN 34:25

Dung tolu ari, di hatiha laing hancitan dope angka halaklahi hara ni na nisunat i, ro ma dua halak anak ni si Jakob mambuat podang, i ma iboto ni si Dina na margoar si Simeon dohot si Levi, disisipi halahi ma masuk tu kota. Dung i dibunu halahi ma disi sude halaklahi na sahuta i,

PAMUNGKAAN 42:23

Mangarti do si Josep hata ni halahi i, tapi nada diboto halahi na niboto ni si Josep hata ni halahi i, harana mamake juru bahasa do halahi manghobari.

PAMUNGKAAN 43:14

Sai ibo ma roha ni gubernur i mida hamu dibaen Debata Na Gumogo i anso ra ia paulakkon si Benyamin dohot si Simeon tu hamu. Anggo salaho tu au, muda na angkon sai na magoan ma di angka dakdanakki, padiar ma agoan au di halahi.”

PAMUNGKAAN 43:23

Didok parhobas i ma, “Ulang pola sak rohamunu disi. Ulang hamu mabiar, tontu na nipamasuk ni Debata do i mangulahi, tu bagasan harungmunu i, i ma Debata na nisomba ni amangmunu i. Na dung hujagit do garar ni ememunu i.”

PAMUNGKAAN 43:30

Gurgur ma holong ni roha ni si Josep mida angginia i. Jabat giot so tartahan ia be mangarajai dirinia, jadi manigor kehe ma ia masuk tu kamarnia, tangis ma ia disi.

PAMUNGKAAN 45:1

Nada tartahan si Josep be pangkilalaannia di jolo ni angka naposonia i. Jadi disuru ia ma halahi morot sian inganan i anso tarbaen ia paboahon tu angka kahangginia i, sanga ise do ia satutuna.

PAMUNGKAAN 45:2

Dung ruar sude naposonia i, tangis ma si Josep mangandung sagogonia, pajojorkon pardangolannia jabat dibege halak Mesir ia na tangis i jana dipaboa halahi ma pangalaho i tu raja.

JESAYA 63:9

sian sude hasusaan ni halahi. Nada tongoson ni Tuhan suruan sanga duta, Ia sandiri do paluahon halahi. Sian narobi do dipature-ture Ia halahi hara ni holong dohot ibo ni rohaNia.

LUKAS 19:41

Dung mur donok Jesus tu Jerusalem, diligi Ia ma kota i, tangis ma Ia marnidasa.

SURAT NI SI PAULUS TU PARLAGUTAN ROM 12:15

Marjop ni roha ma hamu dohot angka na marjop ni roha, jana tangis ma hamu dohot angka na tangis.

1 KORINTUS 12:26

Muda markancit sabagian, gabe markancit muse do sude angka bagian na asing; muda dapotan pujian sabagian sude angka bagian na asing i dohot do marjop ni roha.

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!