PAMUNGKAAN 42:21 - BIBEL JAMITA NA DENGGAN

²¹ Jadi mangkatai ma halahi sama halahi, “Bia do saonnari, mangae ma hita balos ni hasalaanta na tabaen maradopkon angginta na salpu i, taida do sanga na bia dangolna dihilala ia na mangido tolong ia tu hita, hape nada taampirkon. Hara ni i do umbaen na dangol taononta saonnari.”

PAMUNGKAAN 42:21 ပူးပေါင်းရင်းမြစ်များ

PAMUNGKAAN 41:9

Dung i didok pangurus ni siinumon i ma tu raja i, “Sadari on angkon mangoku ma au, jungada do hubaen hasalaan.

PAMUNGKAAN 44:16

“Aha be na tardok hami tu hamu, tuannami?” ning si Juda mangalusi. “Bia ma baenonnami mandok i na so tutu? Bia ma baenonnami mandok na tigor hami? Madung diungkap Debata hasalaannami i! Saonnari anggo hami, naposomu noma, jadi nanggo hum ia na tardapot maroban piala ni tuan i.”

PAMUNGKAAN 45:3

Didok si Josep ma tu kahangginia i, “Si Josep do da au. Laing mangolu dope he amanta?” ning ia. Tapi dung dibege angka kahangginia i songon i, gabe sun ma biar ni halahi gabe nada taralusi halahi be bagi aha.

PAMUNGKAAN 50:15

Jadi dung jumolo amang ni halahi i, didok angka kahangginia i ma, “Bia do betak sai hosom dope roha ni si Josep mida hita jana betak na sangkapkononnia do dalan mamaloskon tu hita sude hajahatan na tabaen i tusia najolo i?”

2 SAMUEL 12:13

Dung i didok si Daud ma tu si Natan, “Madung mardosa au maradopkon Tuhan.” Dialusi si Natan ma, “Madung diampuni Tuhan raja i; jadi nada jabat mate be raja i.

1 RAJA-RAJA 17:18

Jadi didok na mabalu i ma tu si Elia, “O naposo ni Debata, biasi ma he angkon ro ho amang tuson jana i ma mambaen tarsunggul Debata di dosangku umbaen lopus mate anakki?”

PODA 21:13

Sanga ise na so ra manangihon holos ni halak na hurangan, nada diparrohahon be ia sandiri muda mangido partolongan.

PODA 28:17

Halak na mamunu jolma, na mangkojar hamatean do i, ulang ma adong na manolong ia.

JEREMIA 2:17

Ho sandiri do mangalapi sude na tarjadi tu ho sandiri, angke dompak Hutogu ho di pardalanan, dihudukkon ho do Au, Tuhan Debatamu.

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

JEREMIA 34:17

Hara ni i Au Tuhan mandok, anggo hamu madung mangalaosi tu parentangKu; nada dipalua hamu dongan sabangsomunu Israel. Antong saonnari Hulehen ma hamu bebas mamili: Bebas laho mate di partempuran, mate dibaen nyae masa, sanga mate tangkuraparon. Giot baenonKu mabiar bangso na satano on mida sipamasaonKu tu hamu.

JEREMIA 4:18

O Juda, na nialapanmu sandiri do hamagoan i tu ho. Parngoluonmu dohot angka parangemu do mambaen sude pardangolan i manyusuk tu ate-atemu.

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

BILANGAN 32:23

Tapi ingot hamu ma! Muda nada dipatulus hamu janjimunu i, mardosa ma hamu di Tuhan. Jadi ulang baen be na sala, anso ulang hona uhum hamu hara ni dosamunu.

MATEUS 7:2

Harana songon uhum na niuhumkonmunu, songon i do niuhuman hamu muse; jana parsuhatan na nisuhatkonmunu i do niparsuhatkon tu hamu muse.

MARKUS 9:48

Nada ra mintop api disi jana binga pe nada mate.

LUKAS 16:28

gomos ma pangidoanku tu ho, anso suruhon ma si Lasarus kehe tu bagas ni damang, angke adong dope lima nari kahanggingku. Ibo rohana nian, anso ulang ro be halahi tu inganan pardangolan on!’

BAENON NI ANGKA RASUL 19:18

Bahat do halak na dung porsaya i tu Jesus mangoku angka pangalaho ni halahi di jolo ni angka dongan na bahat.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.

HAKIM-HAKIM 1:7

Didok si Adoni-Besek, “Najolo madung hugotap inang ni jari ni pat dohot tangan ni pitu pulu raja, jana hupadiar halahi mangan sian teba-teba ni sipanganon na madabu sian mejangku. Saonnari dibaen Debata ma tu au dos songon na hubaen tu halahi.” Dioban do muse si Adoni-Besek on tu Jerusalem jana disi ma marujung ngolunia.