PAMUNGKAAN 42:2 - BIBEL JAMITA NA DENGGAN

² Ma hubege adong eme di Mesir; kehe ma hamu tusi jana tobusi hamu ma eme i anso ulang mate so mangan hita.”

PAMUNGKAAN 42:2 ပူးပေါင်းရင်းမြစ်များ

PAMUNGKAAN 42:3

Jadi kehe ma angkang ni si Josep na sampulu i laho manobusi eme tu Mesir.

PAMUNGKAAN 43:2

jana dung abis dipangan pangisi ni bagas ni si Jakob eme na nioban sian Mesir i, didok si Jakob ma tu angka dakdanaknia i, “Ulahi hamu ma da kehe tu Mesir, jana tobusi hamu ma eme i di hita.”

PAMUNGKAAN 43:4

Anggo diloas amang do angginami i dohot hami, ra do hami kehe manobusi panganonta tusi.

PAMUNGKAAN 43:8

Jadi didok si Juda ma tu amangna i, “Padiar ma da kehe dakdanak i rap dohot au, anso manigor kehe hami. Jadi angkon songon i noma anso ulang adong sian hita na jabat mate tangkuraparon.

PAMUNGKAAN 45:9

Saonnari, tibu ma hamu kehe tu damang jana dokkon hamu ma tusia, on ma na nidok ni si Josep anakmi, ‘Madung dibaen Debata au gabe parkuaso di sude tano Mesir; ro ma ho, ulang be palambat-lambat.

MASMUR 118:17

Sai na mangolu do au, nada idaonku hamatean, laho mamaritahon karejo ni Tuhan.

MASMUR 33:18

Dijagohon Tuhan do sanga ise halak na burju mangoloi Ia, halak na mararop roha di holong ni rohaNa sapanjang.

MASMUR 33:19

Dipalua Ia halahi sian hamatean, jana dipangolu Ia halahi di hamamasa ni haleon.

JESAYA 38:1

Laing di hatiha i muse, marnyae ma si Hiskia jana jabat do giot marujung. Ro ma Panurirang Jesaya anak ni si Amos mandapotkon ia jana didok ia ma, “Lehen ma tonamu na parpudi tu keluargamu, harana mate noma ho, nada malum be ho. Nada sadia honok nari, marujung ma ngolu ni raja i.”

MATEUS 4:4

Dialusi Jesus ma, “Adong do tarsurat songon on: Nada hum sian roti sajo hangoluan ni jolma, tapi sian sude hata na nidok ni Debata do.”

BAENON NI ANGKA RASUL 7:12

Jadi dung dibege si Jakob adong do eme di tano Mesir, disuru ia ma angka dakdanaknia, i ma angka ompunta i kehe tusi parjolo situtu.