PAMUNGKAAN 42:13 - BIBEL JAMITA NA DENGGAN

¹³ Ning halahi ma mangalusi, “Dua bolas halak do hami martinadohon tuan, na saama do hami, jana di Kanaan do amanta na umpompar hami. Anggo sada madung jumolo sian hami jana sianggian i rap dohot amanta do saonnari.”

PAMUNGKAAN 42:13 ပူးပေါင်းရင်းမြစ်များ

PAMUNGKAAN 37:30

Didapotkon ia ma mangulahi angka angginia i jana didok ia ma, “Nada disi be dakdanak i! Bia noma baenonku saonnari?”

PAMUNGKAAN 42:11

Na martinadohon do hami on, tuan. Nanggo na mamata-matai hami, tapi halak na burju do hami.”

PAMUNGKAAN 42:12

Didok si Josep ma tu halahi, “Inda tutu i! Na giot manangkasi hagaleannami do umbaen na ro hamu tu luat on.”

PAMUNGKAAN 42:14

“Jadi tutu do na hudok i,” ning si Josep mangalusi. “Tutu situtu do na mamata-matai hamu.

PAMUNGKAAN 42:32

Jana dua bolas halak do hami saama tapi ma jumolo sada, tapi anggo sianggian i rap dohot amanta do di Kanaan.’

PAMUNGKAAN 42:36

Jadi didok amang ni halahi i ma, “Na por dehe rohamu agoan au di anakki sude? So adong be si Josep; si Simeon pe so adong be, saonnari si Benyamin muse noma na giot buatonmunu. Di au do da na dangolna!”

PAMUNGKAAN 42:38

Tapi didok si Jakob ma, “Nada! Na so tola si Benyamin kehe rap dohot hamu; ma mate angkangnia i, hape saonnari hum ia sajo noma na tading. Ulang-ulang betak na marmara do ia lalu di tonga dalan i. Au ma matobang, jana hamarsahan na nialapanmunu on ma patibu mate au.”

PAMUNGKAAN 43:29

Disi diida si Josep si Benyamin angginia i, didok ia ma, “On ma he anggimunu sianggian na nidokmunu i tu au? Sai dipasupasu Debata ma da ho anakku,” ning ia.

PAMUNGKAAN 43:7

Dialusi halahi ma, “Na torus do disapa-sapai halahi taringot tu hami dohot taringot tu isi ni bagasta, ‘Mangolu dope amanta hamu? Adong dope anggimunu halaklahi na asing?’ ninna halahi. Tontu angkon alusannami do sude sapa-sapania i. Na hami pikir hian ma he lakna angkon suruonnia hami maroban angginami i?”

PAMUNGKAAN 44:20

Jadi hami alusi, ‘Adong dope amangnami madung matobang situtu; jana angginami pe adong dope sada nari na sorang dung matobang amanami i. Anggo na manadohon angginami i, madung jumolo, jadi anggo saonnari hum ia sajo noma na mangolu sian halahi na saina; jana na holongan do roha ni amangnami i mida ia.’

PAMUNGKAAN 44:28

Madung ditadingkon na parjolo i au. Na niparsurage ni binatang panyoro do i, angke nada huida be ia mamungka sian parkehenia i.

PAMUNGKAAN 45:26

“Mangolu dope si Josep!” ning halahi ma tusia. “Ia do parkuaso ni sude Mesir!” Umbege barita i, songon na tarsonggot ma si Jakob, jana nada porsaya ia di halahi.

JEREMIA 31:15

Didok Tuhan ma, “Tarbege do di Rama sora ni andung dohot na holsoan maradu na tangis monggung-onggung. Ditangisi si Rahel do angka dakdanakna, nada haapoan patunda ni anakna na dung soada.

ANDUNG 5:7

Mardosa ompunami, saonnari nada adong be halahi; jana hami on ma angkon manaonsa, angka dosa na nibaenna.

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

MATEUS 2:18

“Tarbege ma sora di kota Rama i ma sora ni andung dohot na tangis hara ni parkancitan. Ditangisi si Rahel do angka dakdanaknia; nada ra ia niapoan angke ma mate sude dakdanaknia.”