PAMUNGKAAN 41:8 - BIBEL JAMITA NA DENGGAN

⁸ Jadi dung torang ari, marsak ma da roha ni raja i, gabe disuru ia ma anso dipio sude datu parelmu dohot halak na pistar na adong di Mesir. Jadi dipaboa ia ma nipinia i tu halahi; tapi sahalak pe nada adong na tarbaen patorangkon astuanna.

PAMUNGKAAN 41:8 ပူးပေါင်းရင်းမြစ်များ

PAMUNGKAAN 40:6

Jadi di na ro si Josep mandapotkon halahi manyogotna i, songon na marsak ma idaon halahi.

PAMUNGKAAN 40:8

Alus ni halahi, “Na marnipi do hami, tapi nada adong halak dison na bisa patorangkon artina.” Ning si Josep ma, “Hum Debata do na mambaen tarpatorang jolma nipi. Patorang hamu ma jolo nipimunu i.”

PAMUNGKAAN 41:15

Ning raja i ma tusia, “Na marnipi do au, tapi nada adong umpe sahalak na malo patorangkon astuanna. Na nipaboa ni halak do tu au na malo ho patorangkon nipi.”

PAMUNGKAAN 41:24

Dibondut burir ni eme na lambang i ma burir ni eme na porngis sinangkin i. Ma hupaboa nipingki tu angka datu parelmu hape sahalak pe nada adong na malo patorangkonsa sanga aha astuanna.”

PAMUNGKAAN 41:7

Jadi dibondut burir ni eme na lambang i ma burir na porngis na pitu sinangkin. Dung i tarsunggul ma raja i jana diboto ia ma, hape na marnipi do ia.

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

HARURUAR 7:11

Hara ni i dipiohon raja i ma angka halakna parelmu dohot parsibalik mata, gabe dibaen halahi muse ma songon i mangihutkon elmu ni halahi.

HARURUAR 7:22

Tapi laing dibaen angka parelmu ni raja i muse do songon i marhite elmu sihir ni halahi, gabe sai jogal ma roha ni raja i. Laing songon na nidok ni Tuhan, na so ra do raja i manangihon si Musa dohot si Harun.

HARURUAR 8:7

Tapi dipasang angka parelmu i ma elmu sihir ni halahi muse, jana gok muse ma tohuk marruaran di sude luat i.

HARURUAR 9:11

Nada tarbaen angka parelmu sihir i ro mandapotkon si Musa, harana halahi pe gok baro do songon halak Mesir na asing i.

JESAYA 19:3

SundatanKu ma angka sangkap ni Mesir jana manderse halahi baenonKu. Pangidoon ni halahi ma pangurupion tu angka gana-ganaan, mangido piruang dohot panogu-noguon tu angka datu dohot angka tondi.

JESAYA 29:14

Hara ni i, baenonKu ma parkaro halongangon tu bangso i, halongangon na pahomangkon roha. Gabe maoto ma halak na marroha, jana nada marguna be hamaloan ni halahi.”

JESAYA 8:19

Tapi muda di dokkon halak tu hamu: “Pangido ma piruang tu angka tondi dohot tu angka datu na marhusipi jana mubit-ubit,” alusi ma: “Nada he patut sada bangso mangido piruang tu debatana? Sanga na angkon do mangido piruang tu jolma na dung mate domu tu haporluan ni jolma na mangolu?”

DANIEL 1:20

Ganop dipasahat raja i parsoalan na mamorluhon hatorangan dohot partimbangan, sampulu lompit dumenggan diida ia sipaingot dohot hatorangan ni doli-doli na opat i martimbangkon sipaingot dohot hatorangan ni sude partondung dohot panjampi na malo di sude harajaan i.

DANIEL 4:18

I ma da nipingki, ale Beltsasar. Saonnari paboa ma astuanna tu au. Sahalak pe sian angka halak na malo na adong di harajaankon nada malo paboahon tu au, hape anggo ho tarbaen ho do, dibaen dirajai tondi ni angka debata na badia do ho.”

DANIEL 4:19

Umbege i, tarsonggot jana longang ma sangombas si Daniel na nigoaran muse si Beltsasar. Jadi au Raja Nebukadnesar, hudok ma tusia, “Beltsasar, ulang pola susa rohamu hara ni nipi i dohot astuanna.” Dialusi si Beltsasar ma, “Rajanami, denggan ma i sugari nian tu angka musu ni raja i ma masa angka na tarjadi na nipaboa ni nipi i jana ulang ma nian tu raja i.

DANIEL 4:5

Tapi di sada borngin taran modom au, marnipi ma au jana manjagit parnidaan na mambaen rohangku marsak situtu.

DANIEL 4:6

Jadi hupio ma angka halak na malo na adong di Babel laho patorangkon tu au astuan ni nipingki.

DANIEL 4:7

Tapi di na ro angka partondung, na malo manjampi, angka halak Kasdim dohot angka halak na umboto parhalaan jana hupaboa nipingki tu halahi, sahalak pe nada adong na malo patorangkon astuanna.

DANIEL 5:11

Angke adong do di harajaan ni raja i sada bayo na nirajaan ni angka tondi ni debata na badia. Taran amanta ni raja i mamarenta tarida do bahaso na tutu bayo i maniop hapistaran, parbinotoan dohot bisuk, tudos tu habisuhon ni angka debata. Amanta ni raja i Raja Nebukadnesar madung mangangkat bayo i gabe pamimpin ni angka na malo manjujur, na malo marjampi-jampi, angka halak na marilmu dohot angka na umboto parhalaan.

DANIEL 7:28

Olat ni i ma barita i. Ia au, si Daniel, susa sajo do au hara ni i; jana husimpan do i sude di bagasan rohangku.

DANIEL 8:27

Dung i gale ma hulala lalu marnyae ma au adong piga-piga ari. Dung i jongjong ma au jana hukarejohon angka karejongku di raja i. Tapi sai susa do rohangku mamikirkon angka parnidaan i jana nada tarastui au.

HAMALIMON 19:31

Ulang ho kehe mangido sipaingot sian halak na mambaen pardomuan tu angka tondi ni na mate. Muda dibaen hamu songon i, gabe ramun ma hamu. Au do Tuhan Debatamu.

HAMALIMON 20:6

Muda kehe sahalak mangido partolongan tu halak na mambaen pardomuan dohot angka tondi ni na mate angkon aloonKu do i jana nada etongonKu be ia halakKu.

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

MATEUS 2:1

Di kota Betlehem do hasosorang ni Jesus, i ma kota na di Luat Judea. Si Herodes do raja ni luat i di hatiha i. Jadi ro ma di hatiha i piga-piga halak angka parilmu bintang sian Habincaran tu Jerusalem.

BAENON NI ANGKA RASUL 17:18

Tapi adong do deba sian golongan Epikuros dohot golongan Stoa, na marsoal dohot ia; jadi deba sian halahi mandok, “Aha ma he na giot dohonon ni na matubekbek on lakna?” Adong muse na asing mandok, “Idaon na maroban ajaran taringot tu angka debata na asing do ia,” dibaen dijamitahon ia do jamita na denggan taringot tu Jesus dohot hangongot ni angka na mate.

BAENON NI ANGKA RASUL 7:22

Sudena parbinotoan ni halak Mesir diajarkon do tusia jana gabe halak na marsahala situtu do ia muda mandok hata dohot mambaen sanga na aha.

1 KORINTUS 1:19

Angke didok Debata do di Buku Na Badia i, “SursaranKu ma parbinotoan ni angka na pistar, jana agohononKu ma habisuhon ni angka na malo.”

1 SAMUEL 6:2

dipiohon halak Pilistin ma angka malim dohot angka parelmu jana disapai halahi ma, “Bia do baenonta Poti Parjanjian ni Tuhan i? Muda tapaulak tu ingananna humani, aha muse baenonta siluana tongosonta dope?”