PAMUNGKAAN 41:52 - BIBEL JAMITA NA DENGGAN

⁵² Didok ia muse ma, “Dilehen Debata do angka dakdanak di au di hatiha marsak au,” jadi dibaen ia ma goar ni anaknia na paduahon i si Efraim.

PAMUNGKAAN 41:52 ပူးပေါင်းရင်းမြစ်များ

PAMUNGKAAN 17:6

BaenonKu ma bahat pomparanmu, jana deba sian halahi gabe angka raja. Songon i ma bahat ni pomparanmu, lopus gabe bangso na bahat halahi.

PAMUNGKAAN 28:3

Sai dipasupasu Debata Na Gumogo i ma parsaripeonmunu jana dilehen ma di ho hagabean maranak marpahompu ho anso gabe ompu ni bahat bangso ho!

PAMUNGKAAN 41:51

Didok si Josep ma, “Madung lupa au dibaen Debata di sude pardangolanku dohot tu kahanggingku.” Jadi dibaen si Josep ma goar ni anaknia siangkaan i, “Si Manase.”

PAMUNGKAAN 41:53

Jadi marujung ma sipitu taon na makmur na nidai ni Luat Mesir i.

PAMUNGKAAN 48:1

Dung adong sanga sadia honok, adong ma na ro paboahon tu si Josep, marnyae amangnia i. Jadi kehe ma ia mangaligi si Jakob dohot anaknia na dua i, si Manase dohot si Efraim.

PAMUNGKAAN 48:14

Tapi dipasuhar si Jakob ma tangannia jana dipayakkon ia ma tangan siamunnia i tu ulu ni si Efraim, jana tangan siambirangnia i dipayakkon ia tu ulu ni si Manase.

PAMUNGKAAN 48:5

Laing didok si Jakob dope, “Ale Josep, ia anakmu si Efraim dohot si Manase na sorang di Mesir on dompak so lalu dope au tuson, au do nampunasa; dakdanakku do halahi na dua dos songon si Ruben dohot si Simeon.

PAMUNGKAAN 49:22

Si Josep songon bona ni anggur na napu, di lambung mata mual ia tubu, angka rantingna manjurur manjarampak tu ginjang ni tembok.

PAMUNGKAAN 50:23

Sanga dope diida ia anak dohot pahompu ni si Efraim. Jabat muse dope diangkat ia angka dakdanak ni si Makir, i ma pahompunia sian si Manase gabe dakdanaknia sandiri.

AMOS 6:6

Minum anggur ma hamu sian bokor, jana dipake hamu ma miak na humuskus, hape nada adong arsak ni rohamunu mida hasesego ni Israel.

BILANGAN 26:28

Sian si Josep amang ni dua halak halaklahi: Marga Manase dohot Efraim.

BAENON NI ANGKA RASUL 7:10

jana na paluahon ia sian sude parkancitannia. Dilehen ma tusia asi ni roha dohot bisuk di na kehe ia mangadop tu jolo ni raja ni Mesir i; diangkat raja i ma ia gabe kapala di tano Mesir, dohot di bagas godang ni raja i.

JOSUA 16:4

I ma luat na dilehen tu Marga Manase Parhasundutan dohot Efraim pomparan ni si Josep baen tano pusako ni halahi.

JOSUA 17:1

Deba sian luat na di Hasundutan ni Batang aek Jordan dilehen tu sabagian marga-marga pomparan ni si Manase anak siangkaan ni si Josep. Si Makir ama ni si Gilead, ia ma anak siangkaan ni si Manase, na malo do ia marporang gabe dilehen ma disia Luat Gilead dohot Basan na di Habincaran ni Batang aek Jordan.

1 SAMUEL 1:20

Denggan ma pamatang ni Hanna jana sorang ma anakna halaklahi. Dibaen ia ma goarna si Samuel, angke didok ia, “Na hupangido do ia sian Tuhan.”