PAMUNGKAAN 41:42 - BIBEL JAMITA NA DENGGAN

⁴² dibuka raja i ma tintin na maruhir, sitempel ni harajaan, jana dipamasuk ia ma i tu jari-jari ni si Josep. Dipapakehon raja i muse ma tusia sada baju juba na sian linen na halus jana dipamasuk ia muse ma tu rungkungna i sada borgok sere.

PAMUNGKAAN 41:42 ပူးပေါင်းရင်းမြစ်များ

PAMUNGKAAN 38:18

“Jaminan aha dehe ningmu?” ning si Juda manyapai. Dialusi si Tamar, “Lehen ma tintin sitempelmi dohot borgok dohot tungkot na niobanmi.” Dilehen si Juda ma barang-barang i tusia, jadi marmainan ma halahi jana gabe denggan ma pamatang ni si Tamar.

PAMUNGKAAN 41:43

Laing dipasahat raja i ma tu si Josep kareta harajaan nomor dua pakeonnia dohot pangawal hasangapan ni raja i pe mardalan ma di jolo ni kareta i, marsurak ma halahi, “Loas hamu dalan i! Paloas hamu dalan i!” Songon i ma si Josep diangkat gabe gubernur di tano Mesir sude.

ESTER 10:3

Hot do si Mordehai halak Jahudi i maniop jabatan partimbo di toru ni Raja Ahasweros sandiri. Dipasangap jana dihalomohon roha ni angka dongan sabangsonia do si Mordehai. Manggogo do ia patongonkon haluaan dohot hasonangan ni bangsonia maradu sude pomparan ni halahi.

ESTER 3:10

Umbege i, diuldus raja i ma sian jari-jarina tintin na nipakenia laho mancap boa-boa na rasmi lalu dilehen ia ma tu si Haman, musu godang ni halak Jahudi i.

ESTER 3:12

Jadi di tanggal tolu bolas bulan sada, dipiohon si Haman ma angka sekretaris ni raja i. Disuru ia ma halahi mambaen surat domu tu sude na niparentahonnia, dung i diterjemahkon ma surat i tu sude hata jana disalin tu sude surat na dipake di harajaan i. Markite-hite goar ni Raja Ahasweros do surat i dibaen jana dicap dohot tintinnia i lalu ditongoskon ma tibu tu angka na markuaso, gubernur dohot na sangap di sude propinsi. Anggo isina, i ma parenta na mandok angkon bunuon nada adong ampunna sude bangso Jahudi, na poso bope na matobang, bope dadaboru sanga na dakdanak jana sinadonganna i dirampas, i ma di tanggal tolu bolas bulan Adar.

ESTER 8:10

Diteken si Mordehai do sude surat i di atas goar ni Raja Ahasweros jana dibaen dohot cap ni harajaan. Dung i disuru si Mordehai ma angka utusan na manaruhon angka surat i tu angka propinsi ni harajaan i mamake angka kudo na hipas nampuna ni raja i.

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

ESTER 8:2

Ditalduskon raja i ma tintinnia na nibuatnia mangulahi sian si Haman jana dilehen ia ma i tu si Mordehai. Jana diangkat si Ester ma si Mordehai gabe na markuaso di arta ni si Haman.

ESTER 8:8

Tapi anggo surat na dung dibaen mangasahon goar ni raja jana dibaen cap ni raja, nada bolas be i tarihon mangulahi. Tapi haru songon i pe, huisinkon ma hamu mambaen surat salaho tu bangso Jahudi sanga aha na denggan diida hamu. Baen hamu ma surat i mangasahon goarku mardongan cap ni harajaan.”

MASMUR 73:6

I ma da dalanna umbaen na gakgak halahi, jana sai mangasa gogo di pambaenanna i.

PODA 1:9

angke songon hiasan bunga-bunga do i di ulumu, jana songon borgok do i di rungkungmu na pajegeskon rupamu.

PODA 31:22

Ia sandiri do mambaen permadanina; pakeannia pe sian abit linen bunga torung na arga.

PODA 31:24

Dibaen ia pakean dohot bobat lalu digadis ia ma i tu parboniaga.

ENDE NA GODANG 1:10

Jeges ni hurummu, obukmu pajagar ulu manutupi rungkung songon simata.

ENDE NA GODANG 4:9

O haholongan ni rohangku na huririt, panailimu, dohot borgok na di rungkungmu mambaen sai tu ho rohangku.

JESAYA 3:23

angka sormin, angka kameja na sian linen, angka bulang dohot angka pakean luar.

JEREMIA 52:33

Nada be mamake pakean sitarapan ia, jana somalna mangan di bagas godang do ia jana dilehen do hepeng disia baen haporluan ni ngolunia.

JEHESKIEL 27:7

Layar na gabe tandamu sian abit linen na ditonun di Mesir, na disulam marrupa-rupa. Halus ma tutu abit ni angka tandamu, tonunan Siprus na rara ungu.

DANIEL 5:16

On dope hubege paboa na malo ho mambuka sandok rahasia dohot pasidungkon angka soal-soal na maol. Muda malo ho mambasa surat on dohot paboahon astuanna tu au hulehen pe di ho pakean harajaan baju juba na bunga torung dohot borgok sere tanda ni hasangapan. Tamba ni i, huangkat pe ho gabe parkuaso na patoluhon di bagasan harajaanku.”

DANIEL 5:29

Manigor diparentahon si Belsasar ma angka pagawenia anso dipapakehon tu si Daniel baju juba na bunga torung jana dibaen borgok sere tu rungkungnia. Jadi diangkat ia ma si Daniel gabe parkuaso na patoluhon di bagasan harajaannia i.

DANIEL 5:7

Mangarar ma ia lalu mangido anso dipiohon angka datu na malo manjujur, na malo marjampi-jampi dohot na umboto parhalaan. Dung ro halahi, didok raja i ma, “Sanga ise na malo mambasa suratan i dohot paboahon astuanna tu au, lehenonku ma pakean harajaan, i ma baju juba na bunga torung dohot borgok sere tanda ni hasangapon. Tamba ni i angkatonku ma ia gabe parkuaso na patoluhon di bagasan harajaanku.”

LUKAS 15:22

Tapi dipiohon amangna i ma angka naposona jana didok ma, ‘Pasigop buat pakean na dumenggan jana pakehon manigor tusia. Baen tintin tu jari-jarina i dohot sipatu tu patna i.

1 SAMUEL 18:4

Dibuka si Jonatan ma baju juba na nipakenia i lalu dilehen ia tu si Daud, songon i dohot baju porangnia dohot podangnia, sior dohot bobatnia.