PAMUNGKAAN 41:39 - BIBEL JAMITA NA DENGGAN

³⁹ Jadi didok raja i ma tu si Josep, “Na nipaboa ni Debata do i sude tu ho, jadi tangkas ma di hami, ho do na umpistar dohot na umbisuk ulang sanga ise.

PAMUNGKAAN 41:39 ပူးပေါင်းရင်းမြစ်များ

PAMUNGKAAN 41:16

Ninna si Josep ma mangalusi, “Nanggo au da rajanami, tapi Debata do na giot mangalehen hatorangan na tumbuk.”

PAMUNGKAAN 41:25

Jadi didok si Josep ma tu raja i, “Sarupa do astuan ni nipi na dua i. Ma dipaboa Debata tu raja i sanga aha na giot masa baenon ni Debata.

PAMUNGKAAN 41:28

Songon na nidok i tu raja i – madung dipatidahon Debata tu raja i sanga aha na giot baenonNia.

PAMUNGKAAN 41:33

Jadi domu tusi, gumonan ma dipili raja i hian sahalak na pistar jana na bisuk anso dibaen raja i gabe kapala ni luat on.

ESRA 7:25

Ale Esra, pake ma habisuhon na nilehen ni Debata tu ho, jana angkat ma angka pamimpin dohot angka panguhum laho mamarenta sude halak na di propinsi Efrat Hasundutan na mangihutkon Uhum Ni Debatamu di ngoluna. Sai ajarkon ma antong Uhum i tu sude halak na so umbotosa dope.

PODA 12:8

Halak na marroha, papuji-pujion, halak na bodo panyaor-nyaoron.

JESAYA 19:11

Na santak antong bodona angka pamimpin ni kota Zoan! Halak Mesir na umbisukna pe mangalehen sipaingot na lobi oto! Puluk ma da halahi mandok tu raja i paboahon na pomparan ni angka halak na marroha dohot raja-raja sian na robi halahi!

DANIEL 2:11

Na maol do na nipangido ni raja i, sahalak pe nada adong na bisa paboahon i, asing sian angka debata, na so sainganan dohot jolma.”

DANIEL 2:48

Dung i dilehen ia ma di si Daniel pangkat na gincat, dileheni ia angka silua na jeges-jeges, jana diangkat ia si Daniel gabe pangarajai ni Babel lalu dibaen ia gabe pamimpin ni sude panuturi ni raja.