PAMUNGKAAN 41:32 - BIBEL JAMITA NA DENGGAN

³² Diulahi do nipi ni raja i jabat dua noli, artina na dung ditontuhon Debata do i jana manigor patuluson ni Debata ma i.

PAMUNGKAAN 41:32 ပူးပေါင်းရင်းမြစ်များ

PAMUNGKAAN 37:7

Marnipi au, hatiha di ladang hita sude manambati angka sagean ni gandum, jadi gabe jongjong ma da sagean ni gandum na hutambati i tigor. Anggo angka na nitambatanmunu i markaliang ma tu na hutambat i marsomba.”

PAMUNGKAAN 37:9

Dung i marnipi ma si Josep mangulahi, jana didok ia ma tu angka angkangnia i, “Marnipi muse do au mangulahi, songon na huida mataniari, bulan dohot sabolas bintang marsomba tu au.”

PAMUNGKAAN 41:25

Jadi didok si Josep ma tu raja i, “Sarupa do astuan ni nipi na dua i. Ma dipaboa Debata tu raja i sanga aha na giot masa baenon ni Debata.

PAMUNGKAAN 41:28

Songon na nidok i tu raja i – madung dipatidahon Debata tu raja i sanga aha na giot baenonNia.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

DANIEL 2:45

Nada he diida raja i do sada batu na magulang sian dolok-dolok i haru pe nada adong halak na mandabuhonsa, lalu manondong dohot mangaropuk patung na sian bosi, tumbaga, tano liat, perak dohot sere i? Didok Debata na sun godang i do tu raja i sanga aha muse na giot masa tu pudi on. Madung hupaboa nipi ni raja i na satutuna jana hupatorang astuanna na sasintongna.”

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”

MATEUS 25:34

Dung i dohonon ni Raja i ma hata tu angka na di siamunNia i, ‘Ro ma hamu angka na nipasupasu ni Damang. Masuk ma hamu tu bagasan harajaan na dung diparade di hamu mamungka sian na manompa portibi on.

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MARKUS 10:40

Tapi anggo na manontuhon sanga ise na juguk di siamunKu sanga di siambirangKu, inda marguru di Au i. Debata do na manontuhon sanga na ise do na juguk disi.”

1 KORINTUS 2:9

Tapi songon na nidok ni surat di Buku Na Badia i do, “Anggo di angka halak na manghaholongi Debata, madung dipasingkop Debata hian angka na so unjung diida mata, sanga dibege jolma, jana na so jungada muse dope tubu di bagasan roha ni jolma.”

2 KORINTUS 13:1

Patolu-nolihonon ma ro au mandapotkon hamu. Di Buku Na Badia i adong do tarsurat, “Sanga na parkaro aha pe na niaduhon, angkon adong do dua sanga tolu saksi na patorangkon, baru pe anso sah parkaro i.”

HALUMBAAN 9:15

Dipalua ma surusuruan na opat i. Madung dihobasi hian halahi laho mamunu sapartolu sian sude jolma manusia di jom, ari, bulan dohot taon na dung ditontuhon i hian.