PAMUNGKAAN 41:30 - BIBEL JAMITA NA DENGGAN

^30-31 Salpu i ro muse ma pitu taon haleon, jana lupa ma sude tu sipitu taon na makmur i, hara ni santakna haleon potir i jabat gariang sude tano i.

PAMUNGKAAN 41:30 ပူးပေါင်းရင်းမြစ်များ

PAMUNGKAAN 41:21

Tapi laing songon i do niang ni angka lombu i. Jadi tarsunggul ma au.

PAMUNGKAAN 41:27

Lombu na pitu na marniang na ruar umpudi dohot burir ni eme na lambang i jana na markerut hiang dibaen haba-haba na sian parhorsihan i, i ma hamamasa ni haleon pitu taon honokna.

PAMUNGKAAN 41:51

Didok si Josep ma, “Madung lupa au dibaen Debata di sude pardangolanku dohot tu kahanggingku.” Jadi dibaen si Josep ma goar ni anaknia siangkaan i, “Si Manase.”

PAMUNGKAAN 41:54

Jadi ro ma haleon potir pitu taon, tumbuk tu na nidok ni si Josep i. Masa ma haleon di na satano on, tapi anggo di tano Mesir sude adong do panganon.

PAMUNGKAAN 41:56

Mur rarat ma haleon tu sude luat. Jadi dibuka si Josep ma sude sopo jana digadis ia ma eme i tu halak Mesir.

PAMUNGKAAN 47:13

Hara ni santakna haleon i sanga na di dia nada adong be panganon. Gabe gale-gale ma halak Mesir dohot halak Kanaan hara ni na malean.

2 SAMUEL 24:13

Ro ma si Gad mangadop dohot paboahon parenta ni Tuhan i tusia, ning ia ma, “Dia do pilion ni raja i: Masa haleon di luat on tolu taon honokna, sanga na maporus raja i kojar-kojaron ni musu tolu bulan honokna, sanga ro bala tu luat on tolu ari lolotna? Putuskon ma saonnari, na dia do sipalaluonku tu Tuhan.”

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

2 RAJA-RAJA 8:1

Sanoli diparo Tuhan ma haleon potir di Israel jabat pitu taon honokna. Dompak so masa haleon i, madung dipaboa si Elisa hian tu dadaboru na sian Sunem i, i ma na nipangolunia anakna i mangulahi. Jolo disuru ia do dadaboru i anso bungkas dohot halahi na sabagas tu luat na asing.

MASMUR 105:16

Dipadondonkon Tuhan tu luat ni halahi haleon, jana dibuat sian halahi sude simpanan ni panganon.

PODA 31:7

Diinum halahi ma i anso dihalupahon pardangolanna.

JESAYA 65:16

Sanga ise di luat i na mangido pasupasu pangidoonna ma anso Au Debata na setia mamasumasu ia. Sanga ise na marsumpa, marsumpa ma mangasahon goarKu, Debata na setia. Marujung noma sitaonon di hatiha na salpu jana halupahonon.

LUKAS 4:25

Tapi ingot hamu ma: Di hatiha ni si Elia, di na so ro udan tolu satonga taon honokna, jabat masa haleon potir di luat i sude, bahat sajo do na mabalu di tonga-tonga ni halak Israel.

JAKOBUS 5:17

Si Elia pe laing jolma humani do, sarupa dohot hita. Marsitutu do ia martangiang anso ulang ro udan, jana nada ro udan tolu satonga taon honokna.