PAMUNGKAAN 41:14 - BIBEL JAMITA NA DENGGAN

¹⁴ Jadi disuru alap raja i ma si Josep, jana manigor diparuar ma ia sian hurungan i. Dung sidung ia marpangkas dohot manggonti pakean, mangadop ma ia tu raja i.

PAMUNGKAAN 41:14 ပူးပေါင်းရင်းမြစ်များ

2 SAMUEL 19:24

Ro muse ma dohot si Mefiboset pahompu ni si Saul mangalo-alo raja i. Nada marbasu pat ia nada dicukur ia janggutnia, jana nada dibasu ia pakeannia mamungka sian na kehe Raja Daud manadingkon Jerusalem lopus mulak ia maroban hamonangan.

2 RAJA-RAJA 25:29

Nada be mamake pakean ni halak na tarkurung ia. Jotjot do mangan ia di bagas godang jana dilehen do hepeng tu haporluan ni ngolunia.

ESTER 5:1

Di ari patoluhon si Ester na puaso i, dipake ia ma pakean ratunia, lalu kehe ma ia tu alaman na di bagasan bagas godang i jana jongjong ma ia di jolo ni pintu ni balerongna i. Topet do juguk raja i di ginjang ni habangsa na mangadop tu pintu i.

HARURUAR 10:16

Diompot raja i ma marpio si Musa dohot si Harun, ning ia ma, “Madung mardosa au tu Tuhan Debatamunu bope tu hamu.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

DANIEL 2:25

Manigor dioban si Ariokh ma si Daniel manopot Raja Nebukadnesar lalu didok ia ma: “Padumpang do au dohot sada halak sian angka buangan Jahudi i, na malo paboahon nipi ni raja i.”