PAMUNGKAAN 41:1 - BIBEL JAMITA NA DENGGAN

¹ Dung salpu dua taon, marnipi ma raja Mesir, songon na jongjong ia di topi ni Batang aek Nil.

PAMUNGKAAN 41:1 ပူးပေါင်းရင်းမြစ်များ

PAMUNGKAAN 20:3

Di sada borngin dipatidahon Debata ma diriNia tu raja i di bagasan nipi jana didok ma, “Mate noma ho, angke dibuat ho do antong dadaboru i na dung adong halaklahina.”

PAMUNGKAAN 28:12

Dung i marnipi ma ia, songon na niidania ma sada tangga lalu tu langit ujungna i jana manaek mijur ma angka surusuruan di tangga i.

PAMUNGKAAN 29:14

didok si Laban ma, “Olo, tutu do sudena i, na samudar do ho dohot au.” Di bagas i ma maringanan si Jakob sabulan.

PAMUNGKAAN 31:21

Dioban ma sude sinadongannia jana mopop noma ia na kehe i. Ditaripari ia ma Batang aek Efrat manulus ma halahi tu Dolok Gilead.

PAMUNGKAAN 40:23

Tapi anggo pangurus ni siinumon i nanggo diingot ia be na masa tu si Josep – sandok, lupa ma ia tu si Josep.

PAMUNGKAAN 40:5

Sanoli, borngin-borngin rap marnipi ma pangurus ni siinumon dohot pangurus ni roti i. Jana adong be do arti ni nipi ni halahi i.

PAMUNGKAAN 41:2

Jadi tompu ma ruar sian batang aek i pitu lombu na mokmok marlinang idaon kulitna i, manigor manjampal ma di topi ni batang aek i.

ESTER 6:1

Laing di borngin i nada tarpodom raja i. Jadi hara ni i, dipangido ia ma anso dibuat catatan Sejarah Ni Harajaan i jana disuru ia ma halak manyisesa.

HARURUAR 1:22

Jadi diparentahon raja i ma mangulahi tu sude rayatnia, “Sude anak halaklahi di halak Ibrani na baru sorang angkon niambungkon tu Batang aek Nil, tapi sude dakdanak dadaboru, padiar ma mangolu.”

HARURUAR 4:9

Muda laing so porsaya do halahi di ho, haru pe madung diida halahi tanda hahomangan na dua i, jana nada ditangihon halahi hatamu, buat ma aek saotik sian Batang aek Nil lalu usehon tu tano i. Muba ma aek i gabe mudar.”

JESAYA 19:5

Surut ma aek ni Batang aek Nil jana mur lolot mur mahiang.

JEHESKIEL 29:3

Jana dohononmu ma: Songon on do hata ni Tuhan Debata, “Ligi ma, musumu do Au ale Raja Parao, raja ni Mesir, buaya na godang i na manggompang di tonga-tonga ni batang aek, na mandok: Au do nampuna Batang aek Nil jana au do mambaen i.

JEHESKIEL 29:9

Gabe tano na mamolngit noma Mesir. Jadi gabe botoonmunu ma Au do Tuhan.” Didok Tuhan ma, “Ale raja ni Mesir! Hara ni na nidokmu ho nampuna Batang aek Nil jana didok ho, ho do na mambaen batang aek i

MATEUS 27:19

Taran juguk si Latus di inganan panguhuman i, ditonahon dadaborunia ma tusia, “Indangkon sai antoi parkaro ni bayo na so marsala i. Harana jatjat do nipingku saborngin on hara ni Ia.”

PANGARATAION 11:10

Nada songon tano Mesir ingananmunu najolo i anggo tano na giot siingananmunu i. Anggo disi angkon maradu gogo do hamu karejo laho mangaehi angka ladang, muda laho manyabur same;