PAMUNGKAAN 40:8 - BIBEL JAMITA NA DENGGAN

⁸ Alus ni halahi, “Na marnipi do hami, tapi nada adong halak dison na bisa patorangkon artina.” Ning si Josep ma, “Hum Debata do na mambaen tarpatorang jolma nipi. Patorang hamu ma jolo nipimunu i.”

PAMUNGKAAN 40:8 ပူးပေါင်းရင်းမြစ်များ

PAMUNGKAAN 40:9

Didok pangurus ni siinumon i ma, “Adong ma di bagasan nipingki bona ni anggur.

PAMUNGKAAN 41:25

Jadi didok si Josep ma tu raja i, “Sarupa do astuan ni nipi na dua i. Ma dipaboa Debata tu raja i sanga aha na giot masa baenon ni Debata.

JOB 33:23

Betak adong do sahalak surusuruan ni Debata, sian na marribu-ribu i na paingotkon halak, salaho tu sibaenonna, na giot ro manolong ia.

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

JESAYA 8:19

Tapi muda di dokkon halak tu hamu: “Pangido ma piruang tu angka tondi dohot tu angka datu na marhusipi jana mubit-ubit,” alusi ma: “Nada he patut sada bangso mangido piruang tu debatana? Sanga na angkon do mangido piruang tu jolma na dung mate domu tu haporluan ni jolma na mangolu?”

DANIEL 2:11

Na maol do na nipangido ni raja i, sahalak pe nada adong na bisa paboahon i, asing sian angka debata, na so sainganan dohot jolma.”

DANIEL 2:27

Dialusi si Daniel ma, “Rajanami, nada adong halak na marilmu, na malo manjampi, partondung sanga pe na umboto parhalaan tarbaen paboahon na songon i tu raja i.

DANIEL 2:28

Tapi adong do di banua ginjang Debata na mambuka sude rahasia, jana madung dipaboa Ia tu raja i sanga aha na giot tarjadi tu pudi on. Jadi on ma nipi ni raja i dohot astuanna:

DANIEL 2:3

Didok raja i ma tu halahi: “Marnipi do au jana marsak sajo rohangku dibaen nada huboto astuan ni nipi i!”

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

DANIEL 4:8

Ujungna ro ma si Daniel na nigoaran muse si Beltsasar songon goar ni debata na husomba i. Dirajai tondi ni angka debata na badia i ma si Daniel. Hupaboa muse ma nipingki tusia,

DANIEL 5:16

On dope hubege paboa na malo ho mambuka sandok rahasia dohot pasidungkon angka soal-soal na maol. Muda malo ho mambasa surat on dohot paboahon astuanna tu au hulehen pe di ho pakean harajaan baju juba na bunga torung dohot borgok sere tanda ni hasangapan. Tamba ni i, huangkat pe ho gabe parkuaso na patoluhon di bagasan harajaanku.”

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.