PAMUNGKAAN 40:5 - BIBEL JAMITA NA DENGGAN

⁵ Sanoli, borngin-borngin rap marnipi ma pangurus ni siinumon dohot pangurus ni roti i. Jana adong be do arti ni nipi ni halahi i.

PAMUNGKAAN 40:5 ပူးပေါင်းရင်းမြစ်များ

PAMUNGKAAN 20:3

Di sada borngin dipatidahon Debata ma diriNia tu raja i di bagasan nipi jana didok ma, “Mate noma ho, angke dibuat ho do antong dadaboru i na dung adong halaklahina.”

PAMUNGKAAN 40:1

Dung adong sadia honok, mambaen hasalaan ma da tu raja dua halak parhobas ni raja Mesir, i ma pangurus ni siinumon dohot pangurus ni roti ni raja i.

PAMUNGKAAN 40:4

Honok do halahi na tarhurung i, jana dibaen kapala ni pangawal ni raja i ma si Josep gabe parkobas ni halahi.

PAMUNGKAAN 40:6

Jadi di na ro si Josep mandapotkon halahi manyogotna i, songon na marsak ma idaon halahi.

PAMUNGKAAN 40:8

Alus ni halahi, “Na marnipi do hami, tapi nada adong halak dison na bisa patorangkon artina.” Ning si Josep ma, “Hum Debata do na mambaen tarpatorang jolma nipi. Patorang hamu ma jolo nipimunu i.”

PAMUNGKAAN 41:11

Di na saborngin rap marnipi do hami na dua, jana adong be do astuan ni nipinami i.

ESTER 6:1

Laing di borngin i nada tarpodom raja i. Jadi hara ni i, dipangido ia ma anso dibuat catatan Sejarah Ni Harajaan i jana disuru ia ma halak manyisesa.

DANIEL 4:19

Umbege i, tarsonggot jana longang ma sangombas si Daniel na nigoaran muse si Beltsasar. Jadi au Raja Nebukadnesar, hudok ma tusia, “Beltsasar, ulang pola susa rohamu hara ni nipi i dohot astuanna.” Dialusi si Beltsasar ma, “Rajanami, denggan ma i sugari nian tu angka musu ni raja i ma masa angka na tarjadi na nipaboa ni nipi i jana ulang ma nian tu raja i.

DANIEL 4:5

Tapi di sada borngin taran modom au, marnipi ma au jana manjagit parnidaan na mambaen rohangku marsak situtu.

DANIEL 4:9

“Ale Beltsasar, pamimpin ni angka halak na marilmu, huboto do na nirajaan ni tondi ni angka debata na badia ho, jadi nada adong rahasia na buni di ho. Tangihon ma nipingkon jana patorang ma astuanna.

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.