PAMUNGKAAN 40:22 - BIBEL JAMITA NA DENGGAN

²² Tapi anggo pangurus ni roti i, diuhum mate ma. Tarjadi ma sude songon na nidok ni si Josep i.

PAMUNGKAAN 40:22 ပူးပေါင်းရင်းမြစ်များ

PAMUNGKAAN 40:1

Dung adong sadia honok, mambaen hasalaan ma da tu raja dua halak parhobas ni raja Mesir, i ma pangurus ni siinumon dohot pangurus ni roti ni raja i.

PAMUNGKAAN 40:19

Di bagasan tolu ari on, suruon ni raja i ma halak mamonggol ulumi jana gantungkononna ma pamatangmu di sada tiang, anso dipapangani angka unggas.”

PAMUNGKAAN 40:8

Alus ni halahi, “Na marnipi do hami, tapi nada adong halak dison na bisa patorangkon artina.” Ning si Josep ma, “Hum Debata do na mambaen tarpatorang jolma nipi. Patorang hamu ma jolo nipimunu i.”

PAMUNGKAAN 41:16

Ninna si Josep ma mangalusi, “Nanggo au da rajanami, tapi Debata do na giot mangalehen hatorangan na tumbuk.”

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

JEREMIA 23:28

Anggo panurirang na marnipi angkon dokkononna do nian, ‘Nipi do da on.’ Tapi anggo panurirang na manjagit tona sian Au angkon palaluonna do tona i satutuna. Nada tarpatudos gandum tu durame.

DANIEL 2:30

Saonnari madung dipataridahon tu au rahasia i, nada hara ni na ummalo au sian angka na asing i, tapi anso bisa do botoon ni raja i taringot tu nipi ni raja i jana anso bisa diastui raja i taringot tu angka pikiran na ro tu raja i sandiri.

DANIEL 5:12

Sun do malo ni bayo i dohot bisukna boti malo do ia patorangkon nipi, mambuka rahasia dohot pasidungkon angka soal-soal na maol. Si Daniel goarna, tapi anggo raja i mandok si Beltsasar do goarnia. Paboaonnia do tu raja i sanga aha astuan ni suratan on.”

BAENON NI ANGKA RASUL 5:30

Anggo Jesus na niparsilangkonmunu i, madung dipangolu Debata ni ompunta i sian hamatean.