PAMUNGKAAN 40:19 - BIBEL JAMITA NA DENGGAN

¹⁹ Di bagasan tolu ari on, suruon ni raja i ma halak mamonggol ulumi jana gantungkononna ma pamatangmu di sada tiang, anso dipapangani angka unggas.”

PAMUNGKAAN 40:19 ပူးပေါင်းရင်းမြစ်များ

PAMUNGKAAN 40:13

Di bagasan tolu ari on, paluaon ni raja i ma ho; ampunannia ma ho jana paulahonnia mangulahi tu jabatanmu na salpu i. Pasahatonmu ma mangkuk panginuman tu raja i songon na salpu i.

PAMUNGKAAN 40:17

Di ampang i adong na marragam-ragam panganon di raja i, hape marroan ma angka unggas mangankon panganon i.”

PAMUNGKAAN 40:18

Dialusi si Josep ma, “On ma astuan ni nipimi: Na tolu ampang i, tolu ari do astuanna.

PAMUNGKAAN 40:20

Jadi di na marulang tahun raja i, i ma tolu ari dung i, mambaen pesta godang ma raja i di sude pagawenia; diparuar ia ma pangurus ni siinumon dohot pangurus ni rotinia i sian hurungan jana dioban ia halahi tu jolo ni sude pagawenia i.

PAMUNGKAAN 40:22

Tapi anggo pangurus ni roti i, diuhum mate ma. Tarjadi ma sude songon na nidok ni si Josep i.

PAMUNGKAAN 41:13

Torang do antong tarjadi sude songon na nipajojornia i; i ma na nipasuang ni raja i iba mangulahi tu jabatanniba humani, dohot na niuhum mate ni raja i sipangurus ni roti i.”

2 SAMUEL 21:10

Dung i dipahembang si Rispa rading ni si Saul i ma abit goni disia di ginjang batu inganan ni angka bangke i mambustang. Nada morot si Rispa sian i sian na mamungka sabion lopus tu haroro ni udan di musim nonat. Nada diloas ia angka unggas manghahua bangke i muda arian sanga diganggu binatang muda di borngin ni ari.

2 SAMUEL 21:6

Antong pasahat ma tu hami pitu halaklahi sian pomparannia anso hami gantung di adopan ni Tuhan di Gibea, kota ni Raja Saul i sandiri.” “Antong denggan,” ning raja i, “hupasahat pe halahi.”

PODA 30:17

Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.

JEHESKIEL 39:4

Mate ma si Gog rap dohot angka tentara maradu sude na mandongani ia di ginjang ni angka dolok ni Israel, jana lehenonKu ma angka bangke ni halahi i tu sandok unggas dohot binatang panyoro anso dipapangani.

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

JOSUA 10:26

Lalu dibunu si Josua ma angka raja i digantung ia halahi di lima bona ni hayu. Dipadiar do disi bangkena i lopus borngin.

JOSUA 8:29

Anggo raja ni Ai digantung ia di bona ni hayu, dipadiar ia disi lopus borngin. Jana dung lusut mataniari disuru si Josua ma halak mambuat bangke i lalu didanggurkon di dalan laho masuk tu horbangan ni kota i. Dung i ditimbuni ma inganan i dohot batu bahat sajo. Laing disi dope angka batu i lopus tu saonnari.

1 SAMUEL 17:44

Pio-pio muse ma ia tu si Daud, “Tole, ro ma ho! Anso hulehen pamatangmi di unggas dohot binatang baen panganonna.”

1 SAMUEL 17:46

Pasahaton ni Tuhan ma ho laing di ari sadari on tu au; taluhononku ma ho jana lobongonku ma ulumi. Lehenonku ma pamatangmi dohot pamatang ni angka tentara ni Pilistin i tu angka unggas dohot binatang anso panganonna. Jadi gabe botoon ni na satano on ma, anggo hami bangso Israel adong do Debata na hami somba