PAMUNGKAAN 40:14 - BIBEL JAMITA NA DENGGAN

¹⁴ Tapi pangidoanku, ingot au muda dung denggan ngolumu sanoli on. Ibo rohamu mida au, jana palalu ma antong pardangolankon tu raja i, jana laing pangidohon ma da anso dipalua ia au sian hurungan on.

PAMUNGKAAN 40:14 ပူးပေါင်းရင်းမြစ်များ

PAMUNGKAAN 40:13

Di bagasan tolu ari on, paluaon ni raja i ma ho; ampunannia ma ho jana paulahonnia mangulahi tu jabatanmu na salpu i. Pasahatonmu ma mangkuk panginuman tu raja i songon na salpu i.

PAMUNGKAAN 41:9

Dung i didok pangurus ni siinumon i ma tu raja i, “Sadari on angkon mangoku ma au, jungada do hubaen hasalaan.

2 SAMUEL 9:1

Sanoli marsapa ma si Daud, “Adong dope ulaning jolma na mangolu sian bagas ni si Saul? Sugari adong dope, por do rohangku nian mambaen na denggan tu halahi hara ni si Jonatan.”

1 RAJA-RAJA 2:7

Tapi tu angka anak ni si Barsilai na sian Gilead i denggan baen tu halahi. Tolongi ma halahi markite-hite na mangalehen ngolu ni halahi, angke denggan do dibaen halahi tu au di na maporus au sian angkangmu si Absalom.”

LUKAS 23:42

Dung i didok ia ma tu Jesus, “O Jesus ingot ma Au, muda ro Ho saulahon dung gabe Raja!”

1 KORINTUS 7:21

Adong dehe hatoban ho hatiha dipio Debata? Nada pola bia i. Tapi muda adong do di ho hatiha na denggan anso bebas, ulang parsayang hatiha i.

JOSUA 2:12

Antong sumpahon hamu ma mangasahon goar ni Tuhan bahaso na denggan do baenonmunu tu au dohot tu koumku songon denggan ni na hubaen tu hamu. Janjihon hamu ma paboa na so bunuonmunu damang dohot dainang, angka dongan sainangku dohot sude dongan sabagas ni halahi, tapi ondihononmunu do. Antong, lehen hamu ma sada tanda paboa na tutu do hamu bisa huhaporsayai!”

1 SAMUEL 25:31

ingoton ni tuan i ma di hatiha i, na so mamunu tuan i di na so adong dalanna sanga mangasahon gogo lopus nada porlu mararsak ni roha sanga manyosal. Jana muda dung mamasumasu Tuhan tu tuan i, ulang nian lupa tuan i di au.”