PAMUNGKAAN 40:11 - BIBEL JAMITA NA DENGGAN

¹¹ Jadi di hatiha i, topet maniop mangkuk panginuman ni raja i au, jadi hubuat ma da batu ni anggur i jana huporo ma i tu panginuman ni raja i lalu hupasahat ma tusia.”

PAMUNGKAAN 40:11 ပူးပေါင်းရင်းမြစ်များ

PAMUNGKAAN 40:1

Dung adong sadia honok, mambaen hasalaan ma da tu raja dua halak parhobas ni raja Mesir, i ma pangurus ni siinumon dohot pangurus ni roti ni raja i.

PAMUNGKAAN 40:10

Mardangka tolu ma bonana i. Jadi dung martunas angka rantingna i, kombang ma bungana jana malamun ma batuna i.

PAMUNGKAAN 40:12

Didok si Josep ma, “On ma astuanna: Dangka na tolu i, astuanna tolu ari.

PAMUNGKAAN 40:21

Dipaulak ia ma pangurus ni siinumon i tu karejonia humani.

PAMUNGKAAN 49:11

Tambatonna do anak ni halodena di bona ni anggur, di bona ni anggur na jumengkar. Basuonnia ma pakeannia dohot anggur, anggur na rara songon mudar.

1 RAJA-RAJA 10:5

sude pardalan ni karejo ni angka pagawe di bagas godang i, sude pangoloion ni angka parkobas, pakean saragamna, sipanganon na dipasingkop dohot angka kamar inganan ni halahi. Laing diida ia muse do angka haul na nihaulkon ni si Salomo di Bagas Ni Debata. Gabe homang-komang jana tartarik ma roha ni ratu na sian Seba i paida-ida sudena i.

2 JUJUR TAON 9:4

Diida ia parsusun ni karejo ni angka pagawe ni bagas godang i, pakean saragamna maradu angka kamar inganan ni halahi; diida ia ma hidangan ni sipanganon, dohot pakean ni angka pangoloi na markobas di pesta i; laing diida ia muse ma angka haul na nihaulkon ni si Salomo di Bagas Ni Debata. Sudena ma i mambaen Ratu Ni Seba i gabe longang jana homang-homang.

NEHEMIA 1:11

Tangihon ma tangiangku dohot tangiang ni sude naposoMu na asing i, na ra pasangankon Ho. Lehen ma pangurupiMu anso laing tulus naposoMon sadari on dapotan asi ni roha sian raja.” Siurus inumon ni raja do au di hatiha i.

PODA 3:10

jadi gabe gok eme ma angka talobatmu; jana aek ni anggurmu pe marlobi-lobi lopus nada tuk be inganan panyimpananna.

HAMALIMON 10:9

“Dung salpu minum aek ni anggur sanga bir, dohot angka anakmu nada tola masuk tu Bandar Parmianan i. Muda dilaosi hamu aturan i angkon mate hamu. Sude pomparanmu angkon mangoloi aturan on.