PAMUNGKAAN 4:7 - BIBEL JAMITA NA DENGGAN

⁷ Muda na denggan do na nibaenmu, musti angkon tata bohimu; tapi hara ni na nibaenmu na jat, gabe painte-intehon ma dosa laho masuk tu bagasan ate-atemu. Na giot rajaan ni dosa ma dirimu, tapi angkon taluhononmu do i.”

PAMUNGKAAN 4:7 ပူးပေါင်းရင်းမြစ်များ

PAMUNGKAAN 19:21

Dialusi surusuruan i ma, “Olo, huloas pe ho tusi! Nada pola dohot kota na menek i abiskononku.

PAMUNGKAAN 3:16

Jadi didok Debata ma tu dadaboru i, “TambaonKu ma hasusaanmu di hatiha denggan pamatangmu, dohot hahancitanmu di na giot manubuhon dakdanak. Tapi haru pe songon i laing tongtong noma sai ro rohamu tu halaklahimu, jana anso dioloi ho halaklahimu.”

2 SAMUEL 24:23

Dilehen si Arauna ma sudena i tu raja i, lalu didok ia dope, “Sai dijagit Tuhan Debata ni raja i ma nian haul na nipasahat ni raja i.”

2 RAJA-RAJA 8:28

Dohot do Raja Ahasia marporang rap dohot si Joram raja ni Israel mangalo si Hasael raja ni Siria. Di Ramot ma halahi marporang, i ma di Luat Gilead. Mabugang ma si Joram di parporangan i.

JOB 11:14

Salpuhon ma dosa sian rohamu jana padao ma hajahatan sian bandarmu!

JOB 11:15

Gabe benget ma iba jana margogo mangadopi ngolu. Hot ma parjongjongmu togu jana nada pola be marganggu.

JOB 29:4

I ma da angka ari-ari na denggan di ngolungku, dompak di parale-aleonku dohot Debata mangalinggomi bagasku.

JOB 42:8

Antong anggo songon i, saonnari buat ma pitu lombu jantan dohot pitu biri-biri jantan lalu kehe ma hamu mandapotkon si Job. Dung i haulkon hamu ma i sudena gabe haul situtungon hara ni hamu sandiri. Tangiangkonon ni si Job ma salaho tu hamu jana jagitonKu ma tangiangnia i. Nada pola pailaonKu hamu haru pe nian na patut hamu manjagit uhuman. Nada didok hamu na satutuna salaho tu Au, hape anggo si Job didokkon ia do.”

PODA 18:5

Nada denggan marpihak tu halak na so hasaya jana manahan hatigoran sian halak na so marsala.

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

JEREMIA 3:12

Disuru Tuhan ma au kehe tu Israel lalu mandok songon on, “O ale Israel na so setia, mulak ma ho tu Au! Gok ibo ni roha do Au jana nada sapanjangna Au muruk tu ho.

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

MALEAKI 1:10

Didok Tuhan Na Markuaso i ma, “Sugari adong ma nian sian tonga-tongamunu, na giot manutup pintu, anso unang dipagara hamu api di langgatanKu di bagasan na so marguna. Nada jop rohangKu tu hamu, ninna Tuhan Na Markuaso jana nada jagitonKu haul sian tanganmu.

MALEAKI 1:13

Jana didok hamu do, “Ligi ma, maol na i!” Jana susa do Au dibaen hamu, ninna Tuhan Na Markuaso i, jana dihaulkon hamu do na ditangko, na onyangon, sanga na marnyae baen sihaulkonon tu Au. Sai jop ma he rohangKu manjagit i sian tanganmu? ninna Tuhan.

MALEAKI 1:8

Muda dihaulkon hamu tu Au binatang na mapitung sanga na marnyae, sanga na onyangon, adong he nada sala dietong hamu pangalaho na songon i? Cubo hamu jolo mangalehen binatang na songon i tu pamimpin! Pasti do nada sonang rohania manjagitsa jana nada denggan muse be baenonnia tu hamu, ninna Tuhan Na Markuaso.”

BILANGAN 32:23

Tapi ingot hamu ma! Muda nada dipatulus hamu janjimunu i, mardosa ma hamu di Tuhan. Jadi ulang baen be na sala, anso ulang hona uhum hamu hara ni dosamunu.

BAENON NI ANGKA RASUL 10:35

Sanga ise na mabiar mida Debata jana na mambaen na denggan dijagit Debata do halahi, so pola marimbar sanga sian bangso dia.

SURAT NI SI PAULUS TU PARLAGUTAN ROM 12:1

Hara ni i ale angka dongan, hupaingot ma hamu markite-hite ibo ni roha ni Debata, anso dipasahat hamu dirimunu gabe haul na mangolu, na badia jana na tumbuk di roha ni Debata, i ma na gabe hangoluanmunu na sapatutna.

SURAT NI SI PAULUS TU PARLAGUTAN ROM 14:18

Sanga ise na mangoloi Kristus songon i, i ma halak na pasonang roha ni Debata jana diargahon angka dongan na asing.

SURAT NI SI PAULUS TU PARLAGUTAN ROM 15:16

Madung dibaen Ia do au gabe pangoloi ni Kristus Jesus, suruanNia mandapotkon angka bangso na asing. Jana hubaen do au gabe songon malim, manjamitahon Jamita Na Denggan na sian Debata anso gabe haul na tumbuk tu roha ni Debata angka halak na asing i. Sai gabe haul hapunjungan ma di Debata halahi baenon ni Tondi Parbadia.

SURAT NI SI PAULUS TU PARLAGUTAN ROM 6:12

Antong ulang be paloas hamu dosa i mangarajai pamatangmunu na ra mate i, anso ulang dioloi hamu be hagiotna na jahat i.

SURAT NI SI PAULUS TU PARLAGUTAN ROM 6:16

Diboto hamu dehe muda dipasahat hamu dirimunu tu sada-sada halak laho mangkarejohon hagiotnia, na gabe hatoban ni halak na nioloanmunu i do hamu – sanga hatoban ni dosa na maroban hamu tu hamatean sanga hatoban na mangoloi Debata na maroban hamu tu hatigoran?

EPESUS 1:6

Pinuji ma Debata hara ni hadengganan ni rohaNia na songon i godang na nipabotohonNia tu hita mardapot-dapot markite-hite Anak haholonganNia i.

1 TIMOTEUS 5:4

Tapi muda adong sahalak ina na mabalu, adong dakdanakna sanga pahompuna, tu angka dakdanakna i ma dohot angka pahompuna i parjolo lehenonmu hata na denggan, mandok, angkon halahi sandiri do paresohon halahi na sabagas, bope laho mambalos pambaenan ni simatobangna dohot ompungna, angke apala i ma na pajop roha ni Debata.

IBRANI 11:4

Hara ni na porsaya, gabe dihaulkon si Abel do tu Debata haul na dumenggan ulang pado haul na nihaulkon ni si Kain. Hara ni haporsayaannia i, dijagit Debata do si Abel gabe songon halak na dumenggan; angke tangkas do i tarida di na nijagit ni Debata na nihaulkonnia i. Madung mate nian si Abel, tapi hara ni haporsayaannia i, gabe mangkobari dope ia lopus tu sadari on.

JAKOBUS 1:15

Dung i muda dioloi ia hagiotnia na jahat i, gabe tubu ma dosa; dung mardosa, gabe hamatean noma na ro.

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.