PAMUNGKAAN 4:4 - BIBEL JAMITA NA DENGGAN

⁴ Dibuat si Abel ma sada anak ni biri-biri siangkaan sian saparinaan; disambol ia ma i, lalu dihaulkon ia ma goar-goaranna na dumenggan sian i tu Tuhan. Jop ma roha ni Tuhan mida si Abel dohot na nihaulkonnia i,

PAMUNGKAAN 4:4 ပူးပေါင်းရင်းမြစ်များ

PAMUNGKAAN 15:17

Dung borngin tompu ma tarida sada dalihan na martimus dohot obor na gara, na mamolus di antara ni bola-bolaan ni juhut i.

PAMUNGKAAN 4:3

Dung adong sadia lolot, dibuat si Kain ma sian suha ni tano na nibaennia i, dipasahat ia ma i tu Tuhan gabe haul.

1 RAJA-RAJA 18:24

Padiar ma ditangianghon angka panurirang ni Baal i tu debata ni halahi, jana au pe martangiang ma tu Tuhan. Na mangalusi dohot na marsuru api – i ma ibana Debata.” Marsurak ma sude rayat i mangalusi, “Satuju!”

1 RAJA-RAJA 18:38

Jadi ditongos Tuhan ma api sian langit manutung haul i lopus puntung rap dohot sobanna i, angka batuna i dohot tanona i songon i dohot aek na di bondar i abis didilat api i.

1 JUJUR TAON 21:26

Di inganan i ma dipajongjong si Daud langgatan di Tuhan jana dihaulkon ia ma haul situtungon dohot haul pardamean disi. Dung salpu i martangiang ma ia jana dialusi Tuhan do tangiangnia i markite-hite na paijur api sian langit manutungi angka haul na di ginjang ni langgatan i.

2 JUJUR TAON 7:1

Dung sidung Raja Salomo na martangiang i, mijur ma api sian langit manutungi angka haul na dihaulkon i tu Tuhan. Jana digohi sinondang ni parmianan ni Tuhan ma Bagas Ni Tuhan i,

MASMUR 20:3

Sai dijagit Ia ma sude haul na nilehenmu, jana jop ma rohaNia di haul na nitutungmu.

HARURUAR 13:12

angkon pasahatonmunu do sude anak siangkaan tu Tuhan. Sandok pahan-pahanan jantan na parjolo sorang, Tuhan do nampunasa.

PODA 3:9

Pasangap ma Tuhan marhite na manghaulkon na dumenggan sian suha ni tanomu tuSia,

PARJAMITA 4:4

Laing huboto muse dope bahaso songon i situtuna jolma markarejo, hum hara ni na mangiburu paida-ida pandapotan ni hombar bagasna. Magopo do sudena i songon karejo na manangkup angin.

HAMALIMON 9:24

Dung i dipaijur Tuhan ma api na manutung sude haul situtungon dohot goar-goaran na martabo-tabo di ginjang ni langgatan i. Di na niida ni angka jolma i na masa i, sude ma halahi marsurak jana unduk manyomba.

BILANGAN 16:15

Muruk sajo ma si Musa gabe ning ia ma tu Tuhan, “Tuhan, ulang jagit angka silehen-lehen na nihaulkon ni halak on. Nada jungada hurugii sada halak pe sian halahi, sanga halode pe nada jungada hubuat sian halahi.”

BILANGAN 16:35

Diparo Tuhan i muse ma api na marjembur laho manutung na 250 halak na manutung hamonyan i.

BILANGAN 18:12

Hulehen di ho sude na dumenggan sian suha ni tano parjolo na dihaulkon halak Israel di Au ganop taon, miak zetun, aek ni anggur dohot gandum.

BILANGAN 18:17

Tapi anggo lombu, biri-biri dohot hambeng, na sorang parjolo nada tola tobuson. Pahan-pahanan na songon i Au do nampunasa jana angkon dihaulkon. Siramkon ma mudarna i tu langgatan jana tutung tabo-tabona i gabe haul sipanganon. Uap ni haul i pajopkon rohangKu.

IBRANI 11:4

Hara ni na porsaya, gabe dihaulkon si Abel do tu Debata haul na dumenggan ulang pado haul na nihaulkon ni si Kain. Hara ni haporsayaannia i, dijagit Debata do si Abel gabe songon halak na dumenggan; angke tangkas do i tarida di na nijagit ni Debata na nihaulkonnia i. Madung mate nian si Abel, tapi hara ni haporsayaannia i, gabe mangkobari dope ia lopus tu sadari on.

IBRANI 9:22

Tutu nian, anggo mangihutkon Tona ni ugamo Jahudi bolas nidok, sasudena sanga aha pe angkon nipaias dohot mudar do; jadi nada tarsesa dosa anggo so adong mudar na niduruskon.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

HAKIM-HAKIM 6:21

Dung i disurduhon Surusuruan Ni Tuhan i ma tanganna, digoitkon Ia ma dohot ujung ni hayu na nitiopNia juhut dohot roti i. Gara ma batu i lalu abis ma mosok juhut dohot roti i. Dung i mago ma Surusuruan i.

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.