PAMUNGKAAN 4:2 - BIBEL JAMITA NA DENGGAN

² Dung i ditubuhon si Hawa muse ma sada nari laing anak halaklahi, na margoar si Abel. Gabe parmahan biri-biri do si Abel, tapi anggo si Kain gabe partani do.

PAMUNGKAAN 4:2 ပူးပေါင်းရင်းမြစ်များ

PAMUNGKAAN 3:23

Lalu dipaorot Tuhan Debata ma jolma i sian Kobun Eden i jana disuru Ia ma mangkarejohon tano na gabe asalna i hian.

PAMUNGKAAN 37:13

didok si Jakob ma tu si Josep, “Na giot suruonku do ho tu Sikem, tu inganan ni angka angkangmi marmahani angka hambeng biri-birinta i.” “Denggan amang,” ning si Josep mangalusi.

PAMUNGKAAN 4:1

Dung i marcampur ma si Adam dohot si Hawa dadaborunia i, jana denggan ma pamatangna. Ditubuhon ia ma sada anak halaklahi jana ning ia ma, “Hara ni panolongi ni Tuhan, maruli do au sada anak halaklahi.” Gabe dibaen ia ma goar ni dakdanak i, si Kain.

PAMUNGKAAN 4:3

Dung adong sadia lolot, dibuat si Kain ma sian suha ni tano na nibaennia i, dipasahat ia ma i tu Tuhan gabe haul.

PAMUNGKAAN 47:3

Disapai raja i ma halahi, “Aha dehe karejomunu?” Dialusi halahi ma, “Parmahan do anggo hami laing songon angka ompungnami, rajanami.

PAMUNGKAAN 9:20

Partani do anggo si Noak. Ia ma na parjolo mambaen kobun anggur.

MASMUR 127:3

Anggo satutuna, arta pusako ni Tuhan do dakdanak halaklahi, silehen-lehen ni Debata do halahi.

HARURUAR 3:1

Di sada ari dompak diparmahan si Musa angka biri-biri dohot hambeng ni si Jetro, tulangnia malim di tano Midian i, jana hatiha mangolat pahan-pahanan i ia tu bariba ni halongonan, lalu ma ia tu Dolok Sinai, i ma dolok na badia.

AMOS 7:15

Tapi dibuat Tuhan au sian karejongki jana disuru Ia au palaluhon tonaNia tu halak Israel.

LUKAS 11:50

Anso tuntuton ma tu halak sisaonnari on mudar ni sude panurirang, na dung durus mamungka sian parmulaan ni tano on.

LUKAS 11:51

Mamungka sian hamamate ni si Abel lopus tu hamamate ni si Zakaria, na nibunu di holang-kolang ni langgatan dohot Inganan Na Badia. Olo tutu, ‘Hudok ma tu hamu angkon tuntuton ma i tu halak sisaonnari on.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

1 JOHANNES 3:10

On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.

1 JOHANNES 3:12

Nada songon si Kain, na ro sian na jahat jana na mambunu anggina. Hara ni aha ma lakna umbaen na nibununia i? Dibaen na jahat do pambaenannia i, tapi na tigor do na nibaen ni angginia i.

1 JOHANNES 3:15

Halak na mangkosomi donganna, sibunu jolma do i, jana diboto hamu do ganop sibunu jolma nada maruli i di ngolu na manongtong.