PAMUNGKAAN 4:16 - BIBEL JAMITA NA DENGGAN

¹⁶ Jadi morot ma si Kain sian jolo ni Tuhan jana maringanan ma ia di tano na margoar “Nod” di Habincaran ni Eden.

PAMUNGKAAN 4:16 ပူးပေါင်းရင်းမြစ်များ

PAMUNGKAAN 3:8

Marayak potang ari dibege halahi ma Tuhan Debata mardalan di kobun i, gabe martabuni ma halahi di holang-holang ni angka hayu i anso ulang diida Tuhan Debata halahi.

PAMUNGKAAN 4:14

Dipaorot Ho do iba sian tano on, padaohon sian Ho dohot sian pangurupiMu. Mompas-ompas noma iba, nada adong bagas di tano on, jadi sanga ise na marsuo dohot iba bunuonna ma iba.”

PAMUNGKAAN 4:17

Adong do sada anak ni si Kain dohot dadaborunia, digoari ma i si Henokh. Dung i dipajongjong si Kain ma sada kota, jana digoari ia ma kota i mangihutkon goar ni anaknia i.

2 RAJA-RAJA 13:23

Tapi nada unjung dihalupahon Tuhan bangsoNia i. Ibo jana denggan do rohaNia tu halahi. Nada dipadiar Ia halahi dipasude tapi ditolong Ia do halahi, hara ni parjanjianNia dohot si Abraham, si Ishak dohot si Jakob.

2 RAJA-RAJA 24:20

Sun do muruk ni Tuhan maradopkon halak na maringanan di Jerusalem dohot halak Juda jabat nada diparrohahon Ia be halahi.

JOB 1:12

Gabe didok Tuhan ma tu Sibolis, “Antong, baen ma sanga aha tu sasude sinadongan ni si Job, asal ma ulang diparhanciti ho ia!” Bulus kehe ma Sibolis sian jolo ni Tuhan.

JOB 2:7

Jadi kehe ma Sibolis sian jolo ni Tuhan, jana dipatubu ia ma baro sap sude pamatang ni si Job mamungka sian palampak ni patna i lalu tu ambubunia.

JOB 20:17

Nada be daionna miak zetun na marlobian, sanga susu dohot aer ni loba na marbahat marusean.

MASMUR 5:11

Marjop ni roha ma sanga ise na marlinggom tu Ho, mardongan jop ni roha marende-ende sai na tarbaen halahi do! Diramoti Ho do halak na manghaholongi Ho, sai marjop ni roha halahi hara ni Ho.

MASMUR 68:2

Mago ma halahi songon timus ni api. Songon lilin na malala di bagasan api, lintop ma parjahat sian adopan ni Debata.

HARURUAR 20:18

Disi dibege angka jolma i ronggur dohot sora ni sarune i jana diida halahi dohot hilap bope dolok na martimus i, humitir ma halahi mabiar jana mandao ma halahi jongjong.

JEREMIA 23:39

na giot jomputonKu halahi, jana danggurkononKu dao-dao, halahi bope kota na dung Hulehen tu halahi dohot tu ompu ni halahi.

JEREMIA 52:3

Sun do muruk ni Tuhan maradopkon halak na maringanan di Jerusalem dohot halak Juda lopus nada ra be Ia mamparrohahon halahi. Dung i mangalo ma si Zedekia maradopkon si Nebukadnesar raja ni Babel.

JUNUS 1:3

Hape adop dalan na asing do kehe si Junus laho padaohon dirina sian Tuhan i. Kehe ia tu Jafo, jana didapot ia muse antong disi kapal na giot marlayar tu Tarsis. Dung digarar ia ongkosnia, manaek ma ia tu kapal i lalu marlayar ma ia dohot parkapal i tu Tarsis laho mandao sian Tuhan.

MATEUS 18:20

Angke sanga di dia rap marlagut dua sanga tolu halak di bagasan goarKu, disi do Au rap dohot halahi.

LUKAS 13:26

Alusanmunu ma, ‘Madung mangan dohot minum do hami rap dohot Tuan i. Jana madung mangajari do Tuan i di kotanami!’

JOHANNES 1:10

Di portibi on do Hata i, markite-hite Ia do dijadihon portibi on, hape nada ditanda portibi on Ia.

JOHANNES 1:3

Sasudena do dijadihon markite-hite Ia, jana sian sasude na adong, sangkamata pe nada adong na nijadihon, so marhite sian Ia.

1 TESSALONIKA 1:9

Halahi sandiri do mamaritahon sanga na bia panjagitmunu di hami dompak na ro i hami manopot hamu. Dicaritohon halahi do sanga na bia panadingkonmunu di angka gana-ganaanmunu dohot haroromunu mandapotkon Debata na mangolu jana na tutu i laho marsomba tuSia.