PAMUNGKAAN 4:11 - BIBEL JAMITA NA DENGGAN

¹¹ Hona bura ma ho, jana na so tola be ho mangkarejohon tano i. Madung diincop tano i mudar ni anggimi, songon na mungkap pamanganna manjagit mudar ni anggimi di na nibunumi ia.

PAMUNGKAAN 4:11 ပူးပေါင်းရင်းမြစ်များ

PAMUNGKAAN 3:14

Dung i didok Tuhan Debata ma tu ulok i, “Hona uhum ma ho hara ni pangalahomi; sian sude na margoar binatang, hum ho ma manaon bura na songon on; mamungka sian on, manjurur noma ho dohot butuhamu, jana abu noma panganonmu salolot ho mangolu.

PAMUNGKAAN 4:14

Dipaorot Ho do iba sian tano on, padaohon sian Ho dohot sian pangurupiMu. Mompas-ompas noma iba, nada adong bagas di tano on, jadi sanga ise na marsuo dohot iba bunuonna ma iba.”

PAMUNGKAAN 5:29

Didok si Lamekh ma, “Dakdanak on ma na paluahon hita sian karejonta na dokdok on, i ma na manjama tano na dung niburaan ni Tuhan.” Hara ni i, digoari si Lamekh ma goar ni dakdanak i si Noak.

JOB 16:18

O tano, ulang ma tabunihon angka na sala na masa tu au. Ulang ma pahohom piopiongku na mangido hatigoran.

JESAYA 26:21

Na giot mijur ma Tuhan sian ingananNa di banua ginjang laho manguhumi pangisi ni tano on hara ni dosa ni halahi. PatorangonNa ma sude pamunuon na nibaen ni halahi di na buni. Nada tutup-tutupan ni tano i be angka na mate hona bunu i.

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

HALUMBAAN 12:16

Tapi diurupi tano on ma ia; diungkap tano i ma babana jana diincop ia ma aek na ruar sian baba ni naga i.