PAMUNGKAAN 4:10 - BIBEL JAMITA NA DENGGAN

¹⁰ Jadi didok Tuhan ma, “Biasi angkon baenonmu pangalaho na jorbut i? Pio-pio do mudar ni anggimi sian tano i, songon sora na mangangguk mangido pamalosan.

PAMUNGKAAN 4:10 ပူးပေါင်းရင်းမြစ်များ

PAMUNGKAAN 18:20

Dung i didok Debata ma tu si Abraham, “Adong do tuhas-tuhas na borat tu Sodom dohot Gomora, jana na lobi dokdok do tehe dosa ni halahi.

PAMUNGKAAN 3:13

Disapai Tuhan Debata ma tu dadaboru i, “Biasi dibaen ho songon i?” Jadi dialusi ia ma, “Na dipaoto-oto ni ulok i do au, gabe hupangan batu ni hayu i.”

PAMUNGKAAN 9:5

Muda adong sanga ise na mambuat hosa ni jolma, uhumon do i. MatehononKu do sandok binatang na mambuat hosa ni jolma.

2 JUJUR TAON 28:9

Adong do sada panurirang ni Tuhan na maringanan di Samaria na margoar si Oded. Di parmulak ni tentara ni Israel i maroban tabanan na sian Juda i, ro ma si Oded mandapotkon halahi di na laho masuk halahi tu kota. Didok ia ma, “Ma talu dibaen hamu halak Juda hara ni na muruk Tuhan Debata ni ompumunu tu halahi. Tapi ditangihon Tuhan do sanga songon dia kejamna dibaen hamu mamunu tentara ni Juda i.

JOB 16:18

O tano, ulang ma tabunihon angka na sala na masa tu au. Ulang ma pahohom piopiongku na mangido hatigoran.

JOB 24:12

Di angka kota na ribur tarbege do tangis ni na giot mate, angka na margasa pio-pio mangido dipature-ture, hape nada ditangihon Debata tangiang ni halahi be; umpe ra Ia mangarohahonsa dohot manerge.

MASMUR 50:21

Dibaen ho ma i sudena, tapi laing Hupahohom do, diambang ho do lakna sarupa bakonta. Tapi anggo saonnari uhumonKu ma ho jana parkarohononKu ma i.

MASMUR 72:14

Sian panyosak dohot na mangasa gogo, dipalua ia do halahi, angke arga do disia ngolu ni halahi.

MASMUR 9:12

Diingot Ia do halak na tangis jana diparkanciti, jana diuhum Ia halak na mandondoni halahi.

MASMUR 9:13

Ligi ma pambaenan ni musu mangarsaki au, ibo rohamu Tuhan sian hamatean palua au!

HARURUAR 3:7

Dung i didok Debata ma, “Madung Huida parkancitan ni bangsongKu di Mesir. Madung Hubege angguk-angguk ni halahi mangido anso dipalua sian angka na mamparkanciti halahi. Olo! Madung Huboto pardangolan ni halahi.

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

BILANGAN 35:33

Muda dibaen hamu songon i, hamu do mangaramuni tano na niingananmunu i. Pamunuon mangaramuni luat, jadi nada adong pangalaho na asing laho paias luat i lobi sian na mambuat hosa ni sipamunu i.

BAENON NI ANGKA RASUL 5:3

Tapi didok si Petrus ma tusia, “Ale Ananias, biasi dehe dipadiar ho Sibolis mangarajai rohamu, jabat margabus ho tu Tondi Parbadia, jana sip-sip ho manabunihon di ho sandiri deba sian hepeng tuhor ni tano i?

BAENON NI ANGKA RASUL 5:9

Dung i didok si Petrus ma tusia, “Biasi dehe satahi hamu giot manguji Tondi Ni Tuhan i? Ligi ma indi, ma mulak halahi na mananom halaklahimi. Obanon ni halahi muse ma ho tu balian.”

PANGARATAION 21:1

“Umpamana rupani adong ma sada halak na mate hona bunu di ladang, di tano na giot silehenon ni Tuhan Debatamunu i di hamu, jana nada habotoan sanga ise na mamunu i.

IBRANI 11:4

Hara ni na porsaya, gabe dihaulkon si Abel do tu Debata haul na dumenggan ulang pado haul na nihaulkon ni si Kain. Hara ni haporsayaannia i, dijagit Debata do si Abel gabe songon halak na dumenggan; angke tangkas do i tarida di na nijagit ni Debata na nihaulkonnia i. Madung mate nian si Abel, tapi hara ni haporsayaannia i, gabe mangkobari dope ia lopus tu sadari on.

IBRANI 12:24

Diadopi hamu do Jesus pandomui na mambaen janji na imbaru i; diadopi hamu do mudar pamispison na gabe jaminan ni angka na dao dumenggan sian na nijamin ni mudar ni si Abel.

JAKOBUS 5:4

Nada digarar hamu upa ni angka halak na markarejo di ladangmunu. Saonnari bege hamu ma hoi-hoi ni halahi! Angka halak na palagutkon suha ni ladangmunu, marsurak do halahi mangido tolong jana lalu do angguk ni halahi i tu simanangi ni Debata, Tuhan Na Markuaso i.

JOSUA 7:19

Didok si Josua ma tu si Akan, “Ale anak hasian! Oku jana dokkon ma torus torang di jolo ni Tuhan, Debata ni Israel, sanga aha na nibaenmu. Paboa ma tu au, ulang bunihon.”

1 SAMUEL 13:11

tapi marsapa ma si Samuel, “Aha dehe na nibaen ni raja i?” Dialusi si Saul ma, “Huida madung mamungka ditadingkon rayat i au, hape laing nada ro amang di hatiha na dung ditontuhon. Boti muse madung marlagut halak Pilistin di Mikmas.