PAMUNGKAAN 39:7 - BIBEL JAMITA NA DENGGAN

⁷ Dung adong sadia honok, mamungka ma ro roha ni ripe ni si Potifar tu si Josep, jadi dipiohon ia ma doli-doli i rap modom.

PAMUNGKAAN 39:7 ပူးပေါင်းရင်းမြစ်များ

PAMUNGKAAN 6:2

diligi angka “anak ni Debata” ma bahaso na jeges do angka anak boru i. Gabe dibuat halahi ma anak boru por ni roha ni halahi be.

2 SAMUEL 13:11

Tapi dompak na manyurduhon kue i si Tamar tusia, digolom si Amnon ma ia lalu didok tusia, “Rap modom ma hita!”

JOB 31:1

Marjanji do au mardongan sumpa na so ro be rohangku di bujing-bujing na poso muda huida.

MASMUR 119:37

Jagohon ma au ulang sai huparayak na so porlu, lehen ma di au ngolu mangihutkon hagiotMu.

PODA 1:10

Muda dielek-elek angka jolma pardosa ho, anakku, ulang ma ra ho.

PODA 2:16

Anggo ho, ale anakku, tartulak ho do elek-elek ni dadaboru na so ture, dohot boru sileban na manggogo mangela ho marhite hata-hata na tabo.

PODA 5:9

Muda margaul ho dohot anakboru i, agoan ma ho di hasangapanmu jana hosamu pe rampason ma di hatiha haposoonmu, rampason ni halak na so tumanda ibo ni roha.

PODA 6:26

Hepeng do na arga di dadaboru jalang tapi ngoluniba na arga i giot buaton ni dadaboru ni halak na asing.

PODA 7:13

Dung i dihaol ia ma doli-doli i lalu diummai ia. Nada jabat adong be ila ni rohania, didok ia ma,

JEREMIA 3:3

Patunda ni i do gabe so aek sian langit, jana udan na somal di musimna nada unjung ro. Suman do ho tu siboru panggampang na so umboto hahaila.

JEHESKIEL 16:25

Dipahodar ho do hajegesonmu. Ditare-tarehon ho do pamatangmu tu sude halaklahi na mamolus jana nada marnamantak ho marhamainan.

JEHESKIEL 16:32

Ale ina-ina na markarosuan, na manghaol halaklahi na asing gonti ni halaklahimu sandiri.

JEHESKIEL 16:34

Tutu ma siboru jalang na sumalin ho. Nada adong na mamaksa ho gabe siboru jalang. So dilehen gararna tu ho, mur ho muse do na manggarari. I ma parsuharna tu ho.”

MATEUS 5:28

Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

1 JOHANNES 2:16

Sasudena na adong di portibi on na nihalungunkon ni jolma – i ma sasude hagiot ni sibuk, hagiot ni mata dohot na pagodangkon dirina – nada sian Debata haroroan ni angka na songon i, tapi sian portibi on do.