PAMUNGKAAN 39:6 - BIBEL JAMITA NA DENGGAN

⁶ Sandok sinadongannia, dipasahat ia ma tu si Josep mangatursa. Jana nada dipaboto-boto si Potifar be urusan ni bagasnia i, asing sian panganon na nipangannia i sandiri. Na ginjang na godang jana na tongam do anggo si Josep.

PAMUNGKAAN 39:6 ပူးပေါင်းရင်းမြစ်များ

PAMUNGKAAN 29:17

Songon na pede-pede do mata ni si Lea, tapi anggo si Rahel jeges pamatangna jana jogi dohot bohina.

PAMUNGKAAN 39:23

Nada pola porlu be anto-antoan ni kapala ni hurungan i sandok karejo na nipasahat tu si Josep, dibaen Tuhan do mandongani ia gabe manjadi ma sude karejonia i.

PAMUNGKAAN 39:4

Jop do roha ni si Potifar mida ia, jana diangkat ia ma si Josep gabe pangoloinia sandiri; jadi dipasahat ia ma tu si Josep laho mangurus bagas dohot sude sinadongannia.

PAMUNGKAAN 39:8

Nada ra si Josep jana didok ia ma, “Santabi nyonya, madung dipasahat tuanku si Potifar sandok sinadongannia anso huurus. Nada pola adong be sipikirannia di bagasan bagas on, hara ni na dison au.

PAMUNGKAAN 43:32

Asing ma si Josep dioloi di sada meja na inding, jana di meja na asing ma angka kahangginia i. Angka halak Mesir na dohot mangan disi pe dioloi di meja na asing muse do, angke layas do dihilala halahi muda rap mangan dohot halak Ibrani.

PODA 31:11

Nada hurangan sanga aha halaklahina, harana pos do rohana disia.

LUKAS 16:10

Sanga ise haposan di angka pangalaho na menek, haposan muse ma ia di angka pangalaho na godang. Tapi anggo halak na so jujur di angka pangalaho na menek, nada jujur muse i di angka pangalaho na godang.

LUKAS 19:17

Didok tuan i ma, ‘Ma denggan i, ho ma naposo na burju! Angke haposan do ho di bagasan pangalaho na menek pe, hubaen noma ho gabe pangarajai tu sampulu kota.’

BAENON NI ANGKA RASUL 7:20

Di hatiha i ma sorang si Musa; tama do ia di adopan ni Debata. Tolu bulan lolotna sai di bagas ni amangna dope ia dipature-ture,

1 SAMUEL 16:12

Jadi disuru pio si Isai ma anakna i. Hapengani sada doli-doli na jogi do ia jana na togar, boti matana jeges. Dung i didok Tuhan ma tu si Samuel, “On ma ibana, miahi ma!”

1 SAMUEL 17:42

Tapi disi diida ia si Daud jana dipamanat ia, martata ma si Goliat mangincahi hara ni posona dohot jogina si Daud.