PAMUNGKAAN 39:20 - BIBEL JAMITA NA DENGGAN

²⁰ Jana disuru ia ma anso manigor ditangkup si Josep jana dipamasuk tu hurungan, inganan panghurungan ni angka tahanan ni raja. Jadi gabe disi ma si Josep tinggal.

PAMUNGKAAN 39:20 ပူးပေါင်းရင်းမြစ်များ

PAMUNGKAAN 40:15

Harana anggo satutuna, na nitangko do da au sian luat ni halak Ibrani, dohot dison pe tehe di Mesir on, na so unjung do hubaen hajahatan sanga aha pe na mambaen au patut masuk hurungan.”

MASMUR 76:10

Rimas ni jolma gabe pujian do i di Ho jana na debanari i gabe hauntunganMu dipake Ho.

JESAYA 53:8

Ditahan do ia jana didabu uhuman, lalu hona oban tu panyambolan. Nada adong na parduli di bagiannia. Tutu do, mago ma ia sian tano ni halak na mangolu; gabe ia hona pukul hara ni dosa ni bangsongKu.

JEREMIA 37:15

Sun ma muruk ni halahi tu au jana diparentahon halahi anso dibalbali au jana dihurung di bagas ni si Jonathan, juru tulis ni bagas godang i. Gabe hurungan do dibaen bagas i.

2 TIMOTEUS 2:9

Hara ni na manjamitahon Jamita Na Denggan i do umbaen na markancit au; lopus tarrante dope songon sada halak parjahat, tapi nada tarrante anggo hata ni Debata.

IBRANI 11:36

Adong ma deba na niincahan, na diparkanciti, dirante jana dipamasuk tu hurungan.

1 PETRUS 2:19

Pasupasuon ni Debata do halak na sobar manaon pambaenan na so tigor – hara ni partinandaannia di hagiot ni Debata.