PAMUNGKAAN 38:26 - BIBEL JAMITA NA DENGGAN

²⁶ Ditanda si Juda do barang-barang i, gabe didok ia ma, “Tigor do anak boru i. Au do na so manggohi na patut baenonku tusia – aturanna angkon pabagasonku do ia antong tu anakku si Sela.” Jadi nada be jungada si Juda marmainan dohot si Tamar.

PAMUNGKAAN 38:26 ပူးပေါင်းရင်းမြစ်များ

PAMUNGKAAN 37:33

Ditanda si Jakob do juba i, jadi didok ia ma, “Tutu ma da on juba ni anakki! Na hona soro ni binatang panyoro ma da on. Ma mate disibak-sibak binatang i anakki!”

PAMUNGKAAN 38:14

Jadi digonti si Tamar ma pakean na marando gabe pakean na asing. Ditutupi ia ma bohinia, jana juguk ma ia di horbangan ni kota Enaim, i ma huta siboluson laho tu Timna. Diboto si Tamar do na dung magodang si Sela anak siampulan ni si Juda i, hape laing nada dipabagas dope ia dohot doli-doli i.

PAMUNGKAAN 4:1

Dung i marcampur ma si Adam dohot si Hawa dadaborunia i, jana denggan ma pamatangna. Ditubuhon ia ma sada anak halaklahi jana ning ia ma, “Hara ni panolongi ni Tuhan, maruli do au sada anak halaklahi.” Gabe dibaen ia ma goar ni dakdanak i, si Kain.

2 SAMUEL 16:22

Jadi, dipature ma di si Absalom bandar di ginjang ni tarup ni bagas godang na hornop i. Jadi di jolo ni mata ni halak sude, masuk ma si Absalom tu bagasan bandar i jana modom ma ia dohot rading ni amangnia i.

2 SAMUEL 20:3

Dung lalu si Daud di bagas godangnia na di Jerusalem i, dibaen ia ma rading sisampulu halak na nitadingkon i manjago bagas godang i di bagasan sada bagas na dijago ni pangawal. Tuk do dibaen na porlu di halahi, tapi nada jungada be si Daud modom rap dohot halahi. Jadi gabe dipingit ma halahi jana songon na mabalu noma ngolu ni halahi lopus mate.

2 SAMUEL 24:17

Diida si Daud ma surusuruan i, lalu didok ia ma tu Tuhan, “Au do na mardosa jana au muse do na mambaen hasalaan on. Hapengani aha ma he hasalaan ni bangso na marhancit on? Au ma uhumi dohot hami sabagas!”

JOB 4:5

Hape saonnari ho ma didondoni susa, tarsonggot ho jana nada lobas mangadopisa.

JOB 40:5

Mabahattu ma i na hupajojor i.”

JEHESKIEL 16:52

Taon ma salamu, ale ho, na panayangkon uhuman tu angkangmu; hara ni angka dosamu na umjorbut sian halahi, tumigor do halahi sian hamu. Padiar ma maila ho jana taon ma salamu angke hara ni ho gabe songon na so marsala idaon angka angkangmu.”

HABAKUK 1:13

Na badia situtu do mataMu, hara ni i nada tarpaida-ida Ho hajahatan jana nada tarligi Ho hakejamon. Biasi sai paligi-ligionMu angka jolma na jahat i, jana sai hohom Ho taran diabisi halak na jahat i angka halak na dumenggan sian ia?

MATEUS 3:8

Baen hamu ma pangalaho na pataridahon na dung muba rohamunu, sian angka dosamunu.

JOHANNES 8:9

Dung dibege halahi songon i pandok ni Jesus, morot ma halahi sian inganan i kehe-kehe sada mamungka sian na tumobang. Ujungna tinggal ma Jesus sajo disi dohot anak boru i na laing jongjong disi.

SURAT NI SI PAULUS TU PARLAGUTAN ROM 13:12

Salpu ne ma borngin; jana torang ma ari santongkin nari. Antong, taantak ma angka pangalaho na golap. Tapasingkop ma dirinta dohot sinjata na torang.

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

1 SAMUEL 24:17

Dung sidung si Daud na pajojorkon hata i, didok si Saul ma, “Tutu dehe i, anakku si Daud ho?” Lalu tangis ma ia.

1 SAMUEL 24:18

Jadi didok ia ma tu si Daud, “Ho do na tutu jana au do na sala. Hajahatonku maradopkon ho madung dibaloskon ho dohot na denggan.