PAMUNGKAAN 38:25 - BIBEL JAMITA NA DENGGAN

²⁵ Jadi hatiha na maroban si Tamar i, ditonahon ia ma tu amangborunia i songon on, “Nampuna barang-barang indon do na mambaen denggan pamatangku. Pareso hamu ma sanga na ise puna tintin sitempel dohot borgok dohot tungkot on.”

PAMUNGKAAN 38:25 ပူးပေါင်းရင်းမြစ်များ

PAMUNGKAAN 37:32

Dung i dioban halahi ma baju i tu amang ni halahi. Ninna halahi ma, “Na dapot hami do juba on. Anak ni amang i do nampuna on?”

PAMUNGKAAN 38:18

“Jaminan aha dehe ningmu?” ning si Juda manyapai. Dialusi si Tamar, “Lehen ma tintin sitempelmi dohot borgok dohot tungkot na niobanmi.” Dilehen si Juda ma barang-barang i tusia, jadi marmainan ma halahi jana gabe denggan ma pamatang ni si Tamar.

MASMUR 50:21

Dibaen ho ma i sudena, tapi laing Hupahohom do, diambang ho do lakna sarupa bakonta. Tapi anggo saonnari uhumonKu ma ho jana parkarohononKu ma i.

JEREMIA 2:26

Didok Tuhan, “Songon ila ni roha ni panangko di na tartangkup, songon i ma hamu sude maila, ale halak Israel, angka raja maradu angka na marpangkat, angka malim maradu angka panurirangmu!

SURAT NI SI PAULUS TU PARLAGUTAN ROM 2:16

Laing songon i ma na giot masa di ari na nitontuhon i. Anggo di ari i hombar tu Jamita Na Denggan na hujamitahon i – uhuman ni Debata ma markite-hite Jesus Kristus sude sibunian ni roha ni jolma.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

HALUMBAAN 20:12

Jana huida ma angka halak na mate, na menek dohot na magodang rap jongjong di jolo ni habangsa i. Dibuka ma dohot angka buku, dung i dibuka muse ma sada buku na asing, i ma buku hangoluan. Jana di hatiha i ma didabu uhuman tu angka halak na dung mate, satongtang tu pambaenan ni halahi di hatiha na salpu marguru tu na tarsurat di bagasan angka buku i.