PAMUNGKAAN 38:24 - BIBEL JAMITA NA DENGGAN

²⁴ Dung adong hira-hira tolu bulan, dipaboa halak ma barita on tu si Juda, “Ma gabe boru jalang parumaenmu, jana ma denggan pamatangna.” Jadi diparentahon si Juda ma, “Oban ma ibana tuson jana tutung lopus mate!”

PAMUNGKAAN 38:24 ပူးပေါင်းရင်းမြစ်များ

PAMUNGKAAN 20:3

Di sada borngin dipatidahon Debata ma diriNia tu raja i di bagasan nipi jana didok ma, “Mate noma ho, angke dibuat ho do antong dadaboru i na dung adong halaklahina.”

PAMUNGKAAN 20:7

Tapi saonnari, paulak ma anakboru i tu halaklahina. Panurirang do halaklahinia i, jana tangiangkononnia do ho anso ulang mate. Tapi muda nada dipaulak ho, ingot ma, mate ma ho dohot sude rayatmi!”

PAMUNGKAAN 20:9

Dung i dipiohon si Abimelek ma si Abraham laho manyapai. Ning ia ma, “Na mambaen bia dehe ho tu hami? Aha lakna salangku tu ho, umbaen na ro siluluton on tu au dohot tu harajaanku hara ni ho? Nada di dalanna baenonmu tu au songon i.

PAMUNGKAAN 34:31

Tapi dialusi halahi ma, “Nada tarpadiar hami ibotonami i dibaen songon siboru jalang na so mararga.”

PAMUNGKAAN 38:23

Ning si Juda ma, “Padiar ma disia angka barang-barang i. Ulang jabat sipartataan ni halak hita. Ma niusahahon manggararsa, na so marsuo do ho dohot ia.”

2 SAMUEL 12:5

Umbege i, gabe muruk ma si Daud tu na kayo i jana didok ia ma:

2 SAMUEL 12:7

Didok si Natan ma tu si Daud, “Ho ma da i! Jana on ma na nidok ni Debata ni Israel, ‘Madung Hubaen ho gabe raja di Israel jana Hupalua ho sian si Saul.

PARJAMITA 7:26

Dapot au bahaso umpaet do dadaboru sian hamatean. Songon jala dohot tirangkap na cokang manangkup sitangkuponna do holong ni roha ni dadaboru. Panghaolna songon rante pambobok na togu. Malua do joratna i sanga ise na patuluskon lomo ni roha ni Debata, tapi anggo halak pardosa dapot do baenonna.

JEREMIA 2:20

Didok Tuhan, “Madung honok na so ra ho tunduk tu Au; nada ra ho mangoloi sanga marsomba tu Au. Di puncu ni ganop dolok na gincat, dohot di toru ni sandok hayu na rumbun disomba ho do angka debata ni hagabean.

JEREMIA 3:1

Didok Tuhan, “Muda disirangkon halaklahina sada dadaboru, lalu marbagas anak boru i tu bayo na asing, nada tola be halaklahina i humani mambuat dadaboru i mangulahi gabe ripena, angke pasego-segohon do pangalaho na songon i di luat on. Antong ho ale Israel, madung bahat sajo haholongan ni rohamu, biasi dope puluk ho mulak tu Au?

JEREMIA 3:6

Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.

JEREMIA 3:8

Diligi ia, hara ni na manggampang ia madung Husirangkon Israel, dadaboru na murtad i, jana mangalehen tusia surat sirang: Tapi Juda, ibotonia dadaboru na so setia i nada mabiar, jana ia sandiri pe kehe do manggampang.

JEHESKIEL 16:15

Hape diparsayang ho hajogian ni rupami dohot hahuskuson ni goarmi. Modom do ho dohot halaklahi pamolus sanga na bia pe i.

JEHESKIEL 16:25

Dipahodar ho do hajegesonmu. Ditare-tarehon ho do pamatangmu tu sude halaklahi na mamolus jana nada marnamantak ho marhamainan.

JEHESKIEL 16:26

Mesir hombar balokmu na gogo marhamainan i, madung didongani ho modom marhamainan. Disangajo ho do marhamainan mangalap-alapi anso muruk Au.

JEHESKIEL 16:28

Tapi laing na so sombu dope rohamu; gabe dikojar-kojar ho dope halak Asur. Gabe diangkupi halahi ho marhamainan, tapi sian halahi pe laing nada dapot ho sombu ni rohamu.

JEHESKIEL 16:41

Surbuan ni halahi ma angka bagasmu jana suruonna angka dadaboru manyaksihon paruhumanmu. Songon i ma baenonKu mangantak parhamainonmi. Nada be ho marbagi-bagi silua tu angka haholongan ni rohamu.

JEHESKIEL 23:19

Mur honok mur jotjot ma ia marhamainan, nada adong be asingna sian dompak di haposoonnia taran marhamainan ia di Mesir.

JEHESKIEL 23:44

Margonti-gonti ma halahi mandapotkon si Ohola dohot si Oholiba, siboru panggampang na busuk sidua halak i.

JEHESKIEL 23:5

Haru pe na dung ripengKu si Ohola, laing tongtong do ia manggampang jana sai gintal do dihilala ia laho mangoloi angka haholongan ni rohania na sian Asur.

HOSEA 2:5

Harana madung gabe parhamainan ina ni halahi; ia na marorot halahi madung marparange na so denggan. Harana didok ia do, “Giot ihutkononku do angka haholongan ni rohangku, na mangalehen roti dohot aek inumon, imbulu ni biri-biri dohot abit linen, miak dohot inumonku.”

HOSEA 3:3

Hudokkon ma tusia, “Lolot do ho tinggal rap dohot au nada manggampang be ho jana nada marhalaklahi; jana au on pe nada marhamainan dohot ho.”

HOSEA 4:15

Ale hamu halak Israel, haru pe nada unduk hamu tu Au, sai ulang ma nian dohot Juda mambaen hasalaan na nibaenmunu i! Ulang maribadat di Gilgal sanga di Bet-Awen. Ulang baen hamu janji disi mangasahon goar ni Tuhan na mangolu i.

HAMALIMON 20:10

Muda markarosuan halak Israel dohot dadaboru ni donganna sabangso, halahi na dua, halaklahi dohot dadaboru i angkon rap mate uhumon.

HAMALIMON 21:9

Muda gabe siboru jalang do dadaboru ni sada malim, na palayas amangna do i, angkon mate tutungon do halakna i.

SURAT NI SI PAULUS TU PARLAGUTAN ROM 14:22

Anggo haporsayaanmi, urusanmu sandiri ma i tu Debata. Sanga ise na manimbang dirina nada marsala di na nietong ni rohana dirina tigor, martua do halak sisongon i.

PANGARATAION 24:16

Ulang bunu hamu simatobang hara ni hajahatan na nibaen ni angka dakdanakna; jana ulang bunu hamu dakdanak hara ni hajahatan ni simatobangna. Hum hara ni hajahatan na nibaenna sandiri do anso tola niuhuman sada-sada halak.

HAKIM-HAKIM 19:2

Tapi di pudi ni ari muruk ma anak boru i tusia, gabe mangilolong ma ia tu bagas ni amangnia di Betlehem. Dung disi ia tinggal opat bulan honokna,