PAMUNGKAAN 38:17 - BIBEL JAMITA NA DENGGAN

¹⁷ Dialusi si Juda ma, “Hutongos ma di ho sada hambeng jara-jara sian punguan ni hambeng biri-biringki.” Ning si Tamar ma mangalusi, “Denggan, asalkon ma dilehen ho tu au sanga aha na gabe jaminan sitiopanku, lopus ditongos ho hambeng i.”

PAMUNGKAAN 38:17 ပူးပေါင်းရင်းမြစ်များ

PAMUNGKAAN 38:16

Jadi didapotkon si Juda ma ia di topi dalan i jana didok ia ma, “Sadia dipangido ho?” (Nanggo diboto ia na parumaenna i sandiri do anak boru i.) Disapai si Tamar ma, “Aha dehe na giot lehenonmu di au?” ning ia.

PAMUNGKAAN 38:18

“Jaminan aha dehe ningmu?” ning si Juda manyapai. Dialusi si Tamar, “Lehen ma tintin sitempelmi dohot borgok dohot tungkot na niobanmi.” Dilehen si Juda ma barang-barang i tusia, jadi marmainan ma halahi jana gabe denggan ma pamatang ni si Tamar.

PAMUNGKAAN 38:20

Dung adong sadia honok, disuru si Juda ma si Hira dongannia i laho manaruhon hambeng i boti laho mangido angka barang-barang na nilehennia songon jaminan na salpu i, hape nada diida si Hira be anak boru i.

PODA 20:16

Sanga ise na mananggung utang ni halak na so nitandana, patut dibuat sinadonganna gabe jaminan ni janjina.

JEHESKIEL 16:33

Sai manjagit garar do anggo siboru jalang, tapi anggo ho balik ni i do, ho sandiri do na mangaleheni silua tu angka haholongan ni rohami, dielek-elek ho dope tehe halahi anso marroan sanga na sian dia anso rap modom dohot ho.

LUKAS 16:8

Dung i dipuji tuan ni bendahara i ma habisuhon ni bendahara na geduk i; angke umbisuk do angka jolma portibi on taringot tu angka urusan ni halahi ulang pado anak ni hatorangan i.”

HAKIM-HAKIM 15:1

Dung adong sanga na sadia lolot, dompak di musim ni na manyabi gandum, kehe ma si Simson mandapotkon dadaborunia i, maroban sada hambeng jara-jara giot disia. Didok ia ma tu tulangnia i, “Na giot mandapotkon dadaborungki do au ro.” Tapi nada dipaloas tulangnia i ia.