PAMUNGKAAN 38:16 - BIBEL JAMITA NA DENGGAN

¹⁶ Jadi didapotkon si Juda ma ia di topi dalan i jana didok ia ma, “Sadia dipangido ho?” (Nanggo diboto ia na parumaenna i sandiri do anak boru i.) Disapai si Tamar ma, “Aha dehe na giot lehenonmu di au?” ning ia.

PAMUNGKAAN 38:16 ပူးပေါင်းရင်းမြစ်များ

PAMUNGKAAN 38:15

Di na niida ni si Juda si Tamar, ning rohania do boru jalang anak boru i hara ni na nitutupan i bohina.

PAMUNGKAAN 38:17

Dialusi si Juda ma, “Hutongos ma di ho sada hambeng jara-jara sian punguan ni hambeng biri-biringki.” Ning si Tamar ma mangalusi, “Denggan, asalkon ma dilehen ho tu au sanga aha na gabe jaminan sitiopanku, lopus ditongos ho hambeng i.”

2 SAMUEL 13:11

Tapi dompak na manyurduhon kue i si Tamar tusia, digolom si Amnon ma ia lalu didok tusia, “Rap modom ma hita!”

JEHESKIEL 16:33

Sai manjagit garar do anggo siboru jalang, tapi anggo ho balik ni i do, ho sandiri do na mangaleheni silua tu angka haholongan ni rohami, dielek-elek ho dope tehe halahi anso marroan sanga na sian dia anso rap modom dohot ho.

MATEUS 26:15

Didok ia ma tu halahi, “Aha ma lehenonmunu di au muda hupasahat Jesus tu hamu?” Dung i dietong halahi ma tolu pulu hepeng perak. Dilehenkon halahi ma hepeng i tusia.

PANGARATAION 23:18

Songon i hepeng na dapot sian dalan na songon i, nada tola obanon tu Bagas Ni Tuhan Debatamunu baen panggarar ni haul bagi aha, angke magigi do Tuhan tu angka panggampang di bagas pamelean ni angka debata na asing i.

1 TIMOTEUS 6:10

Angke sian holong ni roha tu hepeng do haroroan ni sude ragam ni hajahatan. Adong do deba halak na sai mangkojar hepeng jana na so mangihut be tu ajaran ni Kristen, lopus gabe didondoni pardangolan halahi, mambaen gabe marsak roha ni halahi.