PAMUNGKAAN 38:14 - BIBEL JAMITA NA DENGGAN

¹⁴ Jadi digonti si Tamar ma pakean na marando gabe pakean na asing. Ditutupi ia ma bohinia, jana juguk ma ia di horbangan ni kota Enaim, i ma huta siboluson laho tu Timna. Diboto si Tamar do na dung magodang si Sela anak siampulan ni si Juda i, hape laing nada dipabagas dope ia dohot doli-doli i.

PAMUNGKAAN 38:14 ပူးပေါင်းရင်းမြစ်များ

PAMUNGKAAN 24:65

disapai ia ma tu hatoban ni si Abraham i, “Ise dehe bayo na di padang i na ro mandapotkon hita?” ning ia. “I ma da ibana tuanki,” ning hatoban i. Jadi dibuat si Ribka ma basaennia manutupi bohinia.

PAMUNGKAAN 38:15

Di na niida ni si Juda si Tamar, ning rohania do boru jalang anak boru i hara ni na nitutupan i bohina.

PAMUNGKAAN 38:19

Mulak ma si Tamar tu bagas jana dibuka ia ma panutup ni bohinia i, dipake ia ma mangulahi pakean na marando i.

PAMUNGKAAN 38:26

Ditanda si Juda do barang-barang i, gabe didok ia ma, “Tigor do anak boru i. Au do na so manggohi na patut baenonku tusia – aturanna angkon pabagasonku do ia antong tu anakku si Sela.” Jadi nada be jungada si Juda marmainan dohot si Tamar.

PODA 7:10

Lalu kehe ma dadaboru panggampang i mandapotkon ia, dipake ma abit na songon abit ni dadaboru jalang jana madung adong tahina na jat.

PODA 7:12

Maradian do halahi di topi ni dalan sanga na inganan na ribur.

JEREMIA 3:2

Manaili ma jolo ho tu ginjang, tu puncu ni angka dolok! Na dia dope inganan i na so unjung ditopot ho laho marmainan? Songon halak Arab na juguk di padang halongonan, songon i ma ho juguk di topi dalan painte-intehon halak na giot manandangi ho. Gabe hodar luat on dibaen ho hara ni parmainanmu.

JEHESKIEL 16:25

Dipahodar ho do hajegesonmu. Ditare-tarehon ho do pamatangmu tu sude halaklahi na mamolus jana nada marnamantak ho marhamainan.