PAMUNGKAAN 37:8 - BIBEL JAMITA NA DENGGAN

⁸ “Ning rohamu ma lakna gabe ho na giot mangarajai hami?” ninna angka angkangnia i manyapai ia. Jadi mur tamba ma goyak ni roha ni halahi mida ia hara ni angka na nidoknia i.

PAMUNGKAAN 37:8 ပူးပေါင်းရင်းမြစ်များ

PAMUNGKAAN 27:41

Gabe goyak ma roha ni si Esau mida si Jakob harani na nilehen ni amangnia i pasupasuna tu angginia i. Ning ia ma di bagasan rohania, “Nada pola sadia honok nari marujung ma ngolu ni damang on jana marsiluluton ma hami. Dung salpu i, hubunu ma si Jakob.”

PAMUNGKAAN 37:4

Jadi dung diida angka angkangnia i na humolongan roha ni amang ni halahi i mida si Josep ulang mida halahi, gabe goyak ma da roha ni halahi mida si Josep jabat nada ra be halahi burju manghobari dohot ia.

PAMUNGKAAN 37:9

Dung i marnipi ma si Josep mangulahi, jana didok ia ma tu angka angkangnia i, “Marnipi muse do au mangulahi, songon na huida mataniari, bulan dohot sabolas bintang marsomba tu au.”

PAMUNGKAAN 42:10

“Nada le tuannami,” ninna halahi. “Songon naposomu do hami ro tuson manobusi panganon.

PAMUNGKAAN 44:18

Jadi ro ma si Juda tu jolo ni si Josep jana didok ia ma, “Ampun tuannami, paloas au jolo mandok hata tu tuan i. Ulang muruk tuan i tu au; sarupa do huetong tuan i dohot raja i sandiri.

PAMUNGKAAN 49:26

Gumodang do pasupasu ni amangmu, sian pasupasu ni angka dolok na santak tobang, jana na tumabo sian angka tor na hot. Sai mijur ma sude angka pasupasu i tu ulu ni si Josep, tu ginjang ni bohi ni na sumurung sian kahanggina.

PAMUNGKAAN 50:18

Jadi marroan ma angka angkangnia i somba-somba tu jolonia jana didok halahi ma, “Naposomu ma hami.”

MASMUR 118:22

Batu na dung niambungkon ni tukang bangunan i, i ma na gabe batu parsuhi.

HARURUAR 2:14

Dialusi halakna i ma, “Ise he mangangkat ho gabe pamimpin dohot hakim di hami? Adong he giot bunuonmu muse au, songon halak Mesir na nibunumi?” Gabe mabiar ma si Musa, ninna rohania, “Ah, madung diboto halak hape parkaro on.”

LUKAS 19:14

Tapi goyak ma roha ni halak luat i tusia jana dung kehe ia, disuru halahi ma suruan tusia laho paboahon, ‘Nada ra hami anggo bayo on do gabe rajanami.’

LUKAS 20:17

Dipamanat Jesus ma halahi, ning Ia ma, “Anggo songon i, aha do astuan ni ayat na di Buku Na Badia on? ‘Anggo batu na niambungkon ni angka tukang bagas i, madung gabe batu parsuhi.’

BAENON NI ANGKA RASUL 7:35

Si Musa on ma na nitulak ni halahi, di na nidok ni halahi, ‘Ise he na mambaen ho gabe pamimpin dohot panguhum di hami?’ Hapengani ia do muse na nisuru ni Debata gabe pamimpin dohot na paluahon, markite-hite pangurupi ni surusuruan na ro mandapotkon ia di tadatada i.

PANGARATAION 33:16

dohot na lobi jeges sian sude isi ni portibi on, na nisatujui ni Tuhan sian ramba na gara di si Josep ma pasupasu on dohot di pomparanna. Si Josep on do pamimpin di kahanggina.

IBRANI 10:29

Haru tu halak na songon i, i ma borat ni uhumanna, mur bia muse dope ulaning borat ni uhuman tu angka jolma na songon on: Na mangalayasi Anak Ni Debata, halak na marnayang ni roha mida hamamate ni Kristus na songon jaminan ni janji ni Debata na mangkaholongi Ia. Hilala hamu ma sanga bia dokdok ni uhuman tu angka jolma sisongon i!

1 SAMUEL 10:27

Tapi adong do sanga na piga halak na jahat mandok, “Jolma na songon on ma he na marguna di hita?” Dipamenek halahi ma si Saul jana nada mangalehen silua halahi tusia. Tapi dipaula so diboto ia do i.

1 SAMUEL 17:28

Dibege si Eliab angkang ni si Daud siangkaan i do si Daud na manghata i dohot angka parangan i. Gabe muruk ma ia tu si Daud, didok ia ma, “Biasi ro ho tuson? Tu ise dipauruskon ho angka biri-birimi di halongonan? Huboto do na papuluk-pulukkon ho; inda he na giot mangaligi porang ho ro tuson?”

1 SAMUEL 18:8

Pabege-bege i, sun ma muruk ni si Saul. Gabe didok ia ma, “Na dung marpulu ribu ma hape dietong na mate dibaen si Daud, hape anggo au hum marribu-ribu sajo do. Ujungna jabatan raja i pe tusia noma!”