PAMUNGKAAN 37:5 - BIBEL JAMITA NA DENGGAN

⁵ Sanoli borngin-borngin, marnipi ma si Josep. Jadi hatiha mancaritohon nipinia i ia tu angka angkangnia i, mur goyak ma da roha ni halahi mida ia.

PAMUNGKAAN 37:5 ပူးပေါင်းရင်းမြစ်များ

PAMUNGKAAN 20:3

Di sada borngin dipatidahon Debata ma diriNia tu raja i di bagasan nipi jana didok ma, “Mate noma ho, angke dibuat ho do antong dadaboru i na dung adong halaklahina.”

PAMUNGKAAN 28:12

Dung i marnipi ma ia, songon na niidania ma sada tangga lalu tu langit ujungna i jana manaek mijur ma angka surusuruan di tangga i.

PAMUNGKAAN 31:10

Jana di hatiha musimna angka pahan-pahanan i campur, marnipi do au huida sude hambeng jantan i angka na marbolang.

PAMUNGKAAN 31:11

Jana mangkobari do Debata songon rupa ni surusuruan tu au di bagasan nipi i didok, ‘Jakob!’ ninna. Gabe hualusi ma, ‘Olo da’.

PAMUNGKAAN 37:4

Jadi dung diida angka angkangnia i na humolongan roha ni amang ni halahi i mida si Josep ulang mida halahi, gabe goyak ma da roha ni halahi mida si Josep jabat nada ra be halahi burju manghobari dohot ia.

PAMUNGKAAN 37:6

Songon on ma didok si Josep tu halahi, “Tangihon hamu ma jolo!

PAMUNGKAAN 37:8

“Ning rohamu ma lakna gabe ho na giot mangarajai hami?” ninna angka angkangnia i manyapai ia. Jadi mur tamba ma goyak ni roha ni halahi mida ia hara ni angka na nidoknia i.

PAMUNGKAAN 40:5

Sanoli, borngin-borngin rap marnipi ma pangurus ni siinumon dohot pangurus ni roti i. Jana adong be do arti ni nipi ni halahi i.

PAMUNGKAAN 41:1

Dung salpu dua taon, marnipi ma raja Mesir, songon na jongjong ia di topi ni Batang aek Nil.

PAMUNGKAAN 42:9

Jadi taringot ma ia tu nipinia salaho tu halahi. Jana didok ia ma, “Na mamata-matai do da hamu on; na giot mamboto angka hagaleannami di luatnami on do umbaen na ro hamu tuson.”

PAMUNGKAAN 49:23

Kejam do angka tukang pana mamorangi ia, mamana dohot mangkojar ia.

1 RAJA-RAJA 3:5

Borngin i dipataridahon Tuhan ma diriNa tusia di bagasan nipi jana manyapai, “Aha do dipangido rohamu lehenonKu tu ho?”

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

DANIEL 2:1

Sanoli di sada borngin, dung dua taon mamarenta Raja Nebukadnesar, marnipi ma ia. Marsak ma rohania dibaen nipinia i, lopus nada tarpodom be ia.

DANIEL 4:5

Tapi di sada borngin taran modom au, marnipi ma au jana manjagit parnidaan na mambaen rohangku marsak situtu.

JOEL 2:28

“Dung salpu i sude, usehononKu ma tondingKu tu sude jolma. Jadi manyurirangi ma angka anak dohot borumunu, marnipi ma angka na ma tobangmunu maruli parnidaan ma angka naposobulungmunu.

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

JOHANNES 17:14

Madung Hupalalu tu halahi pangajaran ni Damang jana dihosom portibi on do halahi, angke nada portibi on nampuna halahi; laing sarupa ma i tu Au na so nampuna ni portibi on.