PAMUNGKAAN 37:36 - BIBEL JAMITA NA DENGGAN

³⁶ Jadi dung lalu di Mesir, manigor digadis halak Midian i ma si Josep tu si Potifar, i ma sada halak parpangkat na gabe kapala ni pangawal ni bagas godang.

PAMUNGKAAN 37:36 ပူးပေါင်းရင်းမြစ်များ

PAMUNGKAAN 37:28

jana hatiha mamolus deba saudagar halak Midian diparuar angka angkangna i ma si Josep sian bagasan sumur i, digadiskon halahi ma ia tu halak Ismael i arga dua pulu hepeng perak. Dung i dioban angka parjagal i ma ia tu Mesir.

PAMUNGKAAN 40:3

Jadi dipahurungkon raja i ma halahi tu hurungan na di bagas ni kapala ni pangawal ni raja i, i ma inganan ni si Josep na tarhurung i.

PAMUNGKAAN 40:4

Honok do halahi na tarhurung i, jana dibaen kapala ni pangawal ni raja i ma si Josep gabe parkobas ni halahi.

PAMUNGKAAN 41:12

Adong muse do disi sada doli-doli halak Ibrani rap dohot hami. Parhobas ni kapala ni pangawal i do bayo i. Hami caritohon ma nipinami i tusia, jadi dipatorang ia ma tu hami arti ni nipi i.

2 RAJA-RAJA 25:8

Di tanggal pitu bulan lima taon pasambilan bolaskon pamarentaan ni si Nebukadnesar raja ni Babel i, ro ma sada halak na margoar si Nebusaradan tu Jerusalem. Hatobangon dohot panglima ni tentara ni si Nebukadnesar do ia.

ESTER 1:10

Di ari papituhon minum-minum ma raja i marjop ni roha. Jadi gabe dipio ia ma si Mehuman, si Bista, si Harbona, si Bigta, si Abagta, si Zetar dohot si Karkas, i ma angka pangoloi na sai di adopan ni raja i.

MASMUR 105:17

Tapi disuru Ia sahalak manjoloani halahi, si Josep, na targadis songon hatoban.

JESAYA 56:3

Halak na asing na dung margabung dohot bangso ni Tuhan, ulang pola didok, “Nada paloason ni Tuhan da au marsomba tuSia rap dohot bangsoNia.” Halak na dung dipaias indangkon pola marpikir ia na so tarbaen ia gabe anggota ni bangso ni Tuhan, hum hara ni na so bisa be ia marpomparan.

JEREMIA 39:9

Ujungna angka rayat na tinggal dope di kota i dohot angka halak na dung sanga lari tu pihak ni halak Babel, dioban si Nebusaradan komandan ni tentara ni Babel i ma halahi tu Babel.

DANIEL 2:14

Jadi didapotkon si Daniel ma si Ariokh, pamimpin ni pangawal ni raja i na ditugaskon mambunu angka na pistar.