PAMUNGKAAN 37:34 - BIBEL JAMITA NA DENGGAN

³⁴ Disibakkon si Jakob ma pakeannia hara ni marsakna jana dipake ia ma pakean siluluton. Sanga na piga ari sai diandungi ia anaknia i.

PAMUNGKAAN 37:34 ပူးပေါင်းရင်းမြစ်များ

PAMUNGKAAN 37:29

Di na mangulahi si Ruben tu sumur i, nada diida ia be disi angginia i, gabe disibakkon ia ma pakeannia hara ni marsak ni rohania.

PAMUNGKAAN 42:38

Tapi didok si Jakob ma, “Nada! Na so tola si Benyamin kehe rap dohot hamu; ma mate angkangnia i, hape saonnari hum ia sajo noma na tading. Ulang-ulang betak na marmara do ia lalu di tonga dalan i. Au ma matobang, jana hamarsahan na nialapanmunu on ma patibu mate au.”

PAMUNGKAAN 44:13

Jadi marsisibak bajuna be ma angka angkangna i hara ni marsakna. Marsimuat halodena be ma halahi laho mulak tu kota i mangulahi.

2 SAMUEL 1:11

Umbege i, disibakkon si Daud ma pakeannia hara ni marsakna jana sude ma parangannia mambaen songon i muse.

2 SAMUEL 3:31

Dung i diparentahon si Daud ma tu si Joab dohot parangan i anso disibakkon halahi pakeanna be jana mamake abit siluluton mangandungi si Abner. Jana di na manguburkon i, mardalan di pudi ni poti ni na mate i ma anggo si Daud sandiri.

1 RAJA-RAJA 20:31

Ro ma angka perwirania i mandok tusia, “Pandok ni halak, anggo angka raja ni Israel sai ra do maribo ni roha. Jadi paloas ma hami kehe mangadop raja ni Israel mamake abit goni tanda ni panyosalan dohot tali ni rungkung tanda ni na tunduk; sai ibo nian rohana nada dibunu ia raja i.”

1 RAJA-RAJA 21:27

Dung sidung si Elia na mandok hata i, disibakkon si Ahab ma pakeannia lalu digonti ia ma dohot abit goni tanda ni na manyosal ia. Puaso ma ia jana modom pe laing marbaju goni ma ia jana muda mardalan, murhing ma torus bohinia.

2 RAJA-RAJA 19:1

Di na nibege ni Raja Hiskia lapuran sian sitolu halak i, disibakkon ia ma pakeannia jana marabit goni ma ia tanda ni marsakna lalu kehe ma ia tu Bagas Ni Debata.

2 RAJA-RAJA 2:12

Disi diida si Elisa manigor marsurak ma ia, “Amang Elia! O Amang! Halak na godang di Israel! Nada adong be ho!” Jadi mago ma si Elia sian parnidaan ni si Elisa. Hara ni marsakna disibakkon si Elisa ma jubania bola dua.

2 RAJA-RAJA 22:11

Di na nibege ni raja i isi ni buku i, disibak-sibak ia ma pakeannia hara ni marsakna.

1 JUJUR TAON 21:16

Diida si Daud do habang-habang surusuruan i di antara ni langit dohot tano. Marpodang do surusuruan i tiop di tanganna songon na laho mangaroncohon Jerusalem. Jadi marabit goni ma si Daud dohot angka pamimpin ni Israel tanda ni solsol ni roha, manungkap tu tano.

1 JUJUR TAON 7:22

Gabe marsiluluton ma amang ni halahi i sanga na piga-piga ari jabat do marroan angka kahanggina mangapoi ia.

NEHEMIA 9:1

Tanggal dua pulu opat laing di bagasan bulan i, marlagut ma halak Israel. Puaso ma halahi laho patuduhon manyosal halahi di angka dosa ni halahi. Madung asing halahi sian sude halak na asing. Songon tanda ni na marsak, mamake abit goni do halahi jana dipambaeni halahi ma tano tu ulu ni halahi. Dung salpu i jongjong ma halahi mangoku sude dosa ni halahi dohot dosa ni angka ompu ni halahi.

JOB 1:20

Jadi jongjong ma si Job, jana disibakkon ia ma pakeannia tanda ni marsakna. Dicukur ia ma ulunia, marsomba ma ia mandok,

JOB 16:15

Mamake abit goni ma au tanda ni hamarsahan, jana juguk di abuan hara ni hataluan.

JOB 2:12

Tapi di na nitatap ni halahi ia sian na dao dope, jabat do giot so ditanda halahi be ia. Tangis ma halahi gogo jana disibakkon halahi ma pakean ni halahi lalu diparsampakkon halahi ma abu tu ginjang dohot tu ulu ni halahi.

MASMUR 69:11

Mamake abit goni do au tanda ni hamarsakan, hape dalan do i di halahi gabe sindiran.

JESAYA 32:11

Mabiar ma hamu ale angka dadaboru na sonang, humitir ma hamu ale angka dadaboru na dame, buka ma abitmu jana pake ma abit goni.

JESAYA 36:22

Jadi disibakkon si Elyakim, si Sebna dohot si Joah ma pakeanna be tanda ni marsakna. Jadi kehe ma halahi paboahon tu raja i sandok na nipardokkonan ni pangarajai inumon ni Asur i.

JEREMIA 36:24

Haru pe gomos dipangido si Elnatan, si Delaya dohot si Gemarya anso ulang ditutung raja i surat balunan i, tapi nada ra ia manangihon halahi. Nada gabe mabiar sanga manyosal idaon raja i dohot angka parpangkat i umbege isi ni surat i.

JEREMIA 48:37

Madung dicukur halahi sudena obuk na di ulu ni halahi dohot janggutna, tanganna dihoroti, jana mamake abit goni tanda ni arsakna.

JOEL 2:13

Sibakkon ma rohamu tapi ulang dohot pakeanmu.” Mulak ma hamu tu Tuhan Debatamu mangulahi; paribo roha do Ia jana sai mangkaholongi. Parsobar do Ia jana na ingot di janji, jop rohana mangampuni jana nada ra mamparkanciti.

MATEUS 11:21

“Marjaya situtu ma ho Khorasim, marjaya ma dohot ho ale Betsaida. Sugari di halak Tirus dohot Sidon dibaen tanda hahomangan na nibaen di tonga-tongamunu, ma pola markutondo halahi marsak, marsibaen sirabun tu pamatangna be pataridahon na dung muba roha ni halahi sian angka dosana.

MATEUS 26:65

Dung i disibakkon Malim Godang i ma pakeanNia. Didok Ia ma, “Mangalayasi do on! Inda porlu be saksi. Ma dibege hamu sudena hataNia na mangalayasi i.

BAENON NI ANGKA RASUL 14:14

Dung dibege si Barnabas dohot si Paulus na giot baenon ni halahi i, diparsibakkon halahi ma pakean ni halahi marlojongi tu tonga-tonga ni halak na bahat i, marsurak ma halahi,

JOSUA 7:6

Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.

HALUMBAAN 11:3

SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”

HAKIM-HAKIM 11:35

Disi diida si Jefta, gabe sun ma arsaknia, jadi gabe disibak-sibak ia ma bajunia jana didok ia ma, “Iale baya borungki, ma magopu ate-atengku! Biasi ma he angkon sai ho na mambaen marsak rohangku? Madung husumpahon tu Tuhan jana nada tarbaen au be manarik i mangulahi!”