PAMUNGKAAN 37:29 - BIBEL JAMITA NA DENGGAN

²⁹ Di na mangulahi si Ruben tu sumur i, nada diida ia be disi angginia i, gabe disibakkon ia ma pakeannia hara ni marsak ni rohania.

PAMUNGKAAN 37:29 ပူးပေါင်းရင်းမြစ်များ

PAMUNGKAAN 34:13

Hara ni na dung disego-sego ni si Sikem habujingon ni si Dina i, gabe margabus ma angka dakdanak ni si Jakob i tu si Sikem dohot tu si Hemor amangna i.

PAMUNGKAAN 37:34

Disibakkon si Jakob ma pakeannia hara ni marsakna jana dipake ia ma pakean siluluton. Sanga na piga ari sai diandungi ia anaknia i.

PAMUNGKAAN 44:13

Jadi marsisibak bajuna be ma angka angkangna i hara ni marsakna. Marsimuat halodena be ma halahi laho mulak tu kota i mangulahi.

2 SAMUEL 1:11

Umbege i, disibakkon si Daud ma pakeannia hara ni marsakna jana sude ma parangannia mambaen songon i muse.

2 SAMUEL 13:19

Dung i disaburkon si Tamar ma abu tu ulunia, disibak ia baju jubania i, jana kehe ma ia diholipi ia bohinia dohot tangannia dua-dua lalu tangis-tangis.

2 RAJA-RAJA 11:14

Diida ia ma disi raja na imbaru i jongjong di lambung ni, di jolo ni pintu masuk tu Bagas Ni Debata mangihutkon adatna di na mangangkat angka raja. Dihaliangi angka parpangkat dohot angka parsarune do si Joas. Marmoga-moga do sude rayat i marsurahi jana laing dipalu muse ma sarune. Disibakkon si Atalia ma pakeannia tanda ni muruknia jana marsurak ma ia, “Pargabus! Pargabus!”

2 RAJA-RAJA 19:1

Di na nibege ni Raja Hiskia lapuran sian sitolu halak i, disibakkon ia ma pakeannia jana marabit goni ma ia tanda ni marsakna lalu kehe ma ia tu Bagas Ni Debata.

2 RAJA-RAJA 5:7

Di na nisise ni raja Israel i surat i, disibak-sibak ia ma pakeannia jana didok ia ma, “Hara ni aha dehe umbaen na dipangido ni raja Siria i au pamalumkon bayo on? Nada Debata au na markuaso pangoluhon sanga mamatehon jolma! Pasti na manjalak-jalahi bonsir do raja ni Siria i anso martangkangi dohot au!”

JOB 1:20

Jadi jongjong ma si Job, jana disibakkon ia ma pakeannia tanda ni marsakna. Dicukur ia ma ulunia, marsomba ma ia mandok,

JEREMIA 36:24

Haru pe gomos dipangido si Elnatan, si Delaya dohot si Gemarya anso ulang ditutung raja i surat balunan i, tapi nada ra ia manangihon halahi. Nada gabe mabiar sanga manyosal idaon raja i dohot angka parpangkat i umbege isi ni surat i.

JOEL 2:13

Sibakkon ma rohamu tapi ulang dohot pakeanmu.” Mulak ma hamu tu Tuhan Debatamu mangulahi; paribo roha do Ia jana sai mangkaholongi. Parsobar do Ia jana na ingot di janji, jop rohana mangampuni jana nada ra mamparkanciti.

BILANGAN 14:6

Dung i si Josua anak ni si Nun dohot si Kaleb anak ni si Jefunne, dua halak sian angka mata-mata i, manyuakkon pakean ni halahi hara ni marsakna.

BAENON NI ANGKA RASUL 14:14

Dung dibege si Barnabas dohot si Paulus na giot baenon ni halahi i, diparsibakkon halahi ma pakean ni halahi marlojongi tu tonga-tonga ni halak na bahat i, marsurak ma halahi,

HAKIM-HAKIM 11:35

Disi diida si Jefta, gabe sun ma arsaknia, jadi gabe disibak-sibak ia ma bajunia jana didok ia ma, “Iale baya borungki, ma magopu ate-atengku! Biasi ma he angkon sai ho na mambaen marsak rohangku? Madung husumpahon tu Tuhan jana nada tarbaen au be manarik i mangulahi!”