PAMUNGKAAN 37:26 - BIBEL JAMITA NA DENGGAN

²⁶ Jadi ninna si Juda ma tu kahanggina i, “Aha ma he untungna muda tabunu angginta i jana tarahasiahon na tabunu ia?

PAMUNGKAAN 37:26 ပူးပေါင်းရင်းမြစ်များ

PAMUNGKAAN 25:32

Didok si Esau ma, “Ahana ma he di au hak na songon i. Ma pola satonga mate huhilala na malean on!”

PAMUNGKAAN 37:20

Tole ma ba, tabunu ma i, tadabuhon pamatangna i tu bagasan sumur na mahiang i. Tadok ma, na nisoro ni binatang riar ia. Jadi, taligi ma sanga aha do na nidok ni angka nipinia i.”

PAMUNGKAAN 4:10

Jadi didok Tuhan ma, “Biasi angkon baenonmu pangalaho na jorbut i? Pio-pio do mudar ni anggimi sian tano i, songon sora na mangangguk mangido pamalosan.

PAMUNGKAAN 4:9

Disapai Tuhan ma tu si Kain, “Di dia si Abel, anggimi?” Dialusi si Kain ma, “Nada huboto i. Angkon iba ma he lakna pajago-jago angginiba?”

PAMUNGKAAN 40:15

Harana anggo satutuna, na nitangko do da au sian luat ni halak Ibrani, dohot dison pe tehe di Mesir on, na so unjung do hubaen hajahatan sanga aha pe na mambaen au patut masuk hurungan.”

PAMUNGKAAN 42:21

Jadi mangkatai ma halahi sama halahi, “Bia do saonnari, mangae ma hita balos ni hasalaanta na tabaen maradopkon angginta na salpu i, taida do sanga na bia dangolna dihilala ia na mangido tolong ia tu hita, hape nada taampirkon. Hara ni i do umbaen na dangol taononta saonnari.”

PAMUNGKAAN 50:20

Haru pe na dung satahi hian hamu laho mambaen na jat tu au, hape diuba Debata do hajahatan i gabe tu hadengganan, anso marhaluaan bahat halak na mangolu saonnari markite-hite pangalaho na masa na salpu i.

2 SAMUEL 1:16

Didok si Daud ma tu doli-doli ni Amalek i, “Didabuhon ho do uhuman mate tu ho sandiri di na niokumu bahaso ho mamunu halak na nipili ni Tuhan i gabe raja.”

JOB 16:18

O tano, ulang ma tabunihon angka na sala na masa tu au. Ulang ma pahohom piopiongku na mangido hatigoran.

MASMUR 30:9

Aha ma he gunana di Ho muda mate au, aha ma untungna muda dikuburkon au? Tarbaen na mate ma he mamuji Ho dohot pajojorkon denggan ni haburjuonMu?

JEHESKIEL 24:7

Masa do di kota i mamunu jolma, tapi nada durus tu tano mudar ni na hona bunu i, tapi tu ginjang ni batu na pir do, jadi nada tartimbun.

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

SURAT NI SI PAULUS TU PARLAGUTAN ROM 6:21

Antong, parbatu aha ma na dapot hamu sian i? Sudena i mambaen hamu maila saonnari, angke hamatean do ujung ni i.

PANGARATAION 17:8

Betak sai adong parkaro na so tarputuskon angka hakim di sada inganan hara ni na mamaoltu, umpamana taringot tu hak parnampunaon, na marsibugangan pamatang, sanga parkaro na marsibunuan na sangajo sanga na so sangajo, di na songon i angkon kehe do hamu tu inganan paribadatan na nitontuhon ni Tuhan Debatamunu i.