PAMUNGKAAN 37:2 - BIBEL JAMITA NA DENGGAN

² Jana on ma barita ni keluarga ni si Jakob: Doli-doli na marumur pitu bolas taon ma si Josep anak ni si Jakob. Dohot ma si Josep marmahani angka pahan-pahanan rap dohot angka angkangnia, tubu ni si Bilha dohot si Zilpa, rading ni amangnia. Sandok pangalaho ni angka angkangnia na so ture, dipaboa-boa ia do tu amang ni halahi i.

PAMUNGKAAN 37:2 ပူးပေါင်းရင်းမြစ်များ

PAMUNGKAAN 10:1

On ma pomparan ni angka anak ni si Noak, i ma si Sem, si Ham dohot si Jafet. Dung salpu aek na oto i, adong ma angka anak ni halahi na tolu.

PAMUNGKAAN 2:4

On ma barita panompaon ni langit dohot tano on. Di hatiha na nitompa ni Tuhan Debata langit dohot tano on,

PAMUNGKAAN 30:4

Dung i dilehen ia ma si Bilha tu halaklahinia i jana campur ma si Jakob di podoman dohot naposo i.

PAMUNGKAAN 30:9

Dung torang diboto si Lea na manyampul ia, dilehen ia ma naposonia dadaboru i ma si Zilpa tu si Jakob gabe ripena.

PAMUNGKAAN 35:22

Di inganan i ma dipodomi si Ruben rading ni amangnia na margoar si Bilha. Tarbege ma i tu si Jakob, gabe muruk situtu ma ia. Dua bolas anak ni si Jakob.

PAMUNGKAAN 42:8

Tapi haru pe ditanda si Josep angka angkangnia i, anggo halahi nada ditanda si Josep.

PAMUNGKAAN 45:6

Taon paduahon dope haleon on, jana adong dope lima taon nari na so tarbaen halak mamangkur sanga manyabi.

PAMUNGKAAN 46:34

dok hamu ma tu raja i, na somal marmahan hamu sian na menek laing songon ompumunu. Jadi anso disuru ia hamu maringanan di tano Gosen.” Didok si Josep pe songon i, hara ni na so ra do halak Mesir mardongan dohot angka parmahan.

PAMUNGKAAN 5:1

On ma goar ni pomparan ni si Adam. (Di na manompa jolma i Debata, songon Debata sandiri do dijadihon Debata halahi.

PAMUNGKAAN 6:9

On ma barita ni si Noak. Adong do tolu anaknia, i ma si Sem, si Ham dohot si Jafet. Nada adong sala ni si Noak, jana hum sasada ia ma jolma na burju di hatihania i. Marpardonganan dohot Debata do ia di ngolunia.

JOHANNES 7:7

Nada na ra portibi on mangkagigihon hamu. Tapi anggo Au tutu ma hagigian ni portibi on, hara ni na sai Hudok tu portibi on bahaso na jahat pambaenanna.

1 KORINTUS 1:11

Harana madung lalu baritana sian pangisi ni bagas ni si Koloe na adong parsalisian di tonga-tongamunu.

1 KORINTUS 11:18

Na parjolo, muda marlagut hamu, hubege baritana di bagasan na marlagut-lagut i hamu adong na marsalisi sian hamu. Jana tutu do songon i aropku.

1 KORINTUS 5:1

Satutuna madung lalu tu au paboahon na adong deba sian hamu marpangalaho na so ture; adong sian hamu na pardadaboruhon na nialap ni amangna. Hape halak na so mananda Tuhan pe nada ra mambaen na songon i!