PAMUNGKAAN 37:18 - BIBEL JAMITA NA DENGGAN

¹⁸ Sian na dao dope ma diida halahi si Josep, jadi dompak so lalu si Josep tu halahi, ma jolo martahi halahi jana ma putus, bunuon ni halahi ma ia.

PAMUNGKAAN 37:18 ပူးပေါင်းရင်းမြစ်များ

PAMUNGKAAN 27:41

Gabe goyak ma roha ni si Esau mida si Jakob harani na nilehen ni amangnia i pasupasuna tu angginia i. Ning ia ma di bagasan rohania, “Nada pola sadia honok nari marujung ma ngolu ni damang on jana marsiluluton ma hami. Dung salpu i, hubunu ma si Jakob.”

PAMUNGKAAN 37:19

Ninna halahi ma sama halahi, “Ligi ma, ma ro indu parnipi-nipi i.

PAMUNGKAAN 50:15

Jadi dung jumolo amang ni halahi i, didok angka kahangginia i ma, “Bia do betak sai hosom dope roha ni si Josep mida hita jana betak na sangkapkononnia do dalan mamaloskon tu hita sude hajahatan na tabaen i tusia najolo i?”

PAMUNGKAAN 50:20

Haru pe na dung satahi hian hamu laho mambaen na jat tu au, hape diuba Debata do hajahatan i gabe tu hadengganan, anso marhaluaan bahat halak na mangolu saonnari markite-hite pangalaho na masa na salpu i.

MASMUR 105:25

Dibaen Ia halak Mesir margoyak ni roha mida bangsoNia, jana mambaen akal busuk tu angka naposoNia.

MASMUR 109:4

Haru pe huhaholongi halahi jana hutangiangkon, tapi laing dialo halahi do au.

MASMUR 31:13

Pangalaho na jorbut sai paayak-ayak au; hubege do hata husip ni musu martahi saroha halahi mangalo au; jana martuptup laho mambuat hosangku.

MASMUR 31:14

Tapi anggo au, laing tu Ho do ale Tuhan pos ni rohangku, angke Ho do antong Debatangku.

MASMUR 37:12

Parjahat i martahi na jahat, jana magigi do Ia paida-ida halak na daulat.

MASMUR 37:32

Anggo parjahat sai na mangintip do i tu halak na denggan, jana manjalahi haputusan laho mamunusa.

MASMUR 94:21

Marsatahi halahi mangalo halak na jujur, jana mandabu uhuman mate tu halak na so marsala.

MATEUS 21:38

Tapi dung diida angka na mamola kobun i anak ni partano na bidang i martahi ma halahi, ‘Ah! Ma ro anak ni partano na bidang i. Aha dope, tabunu ma i anso di hita sude tean-teananna i!’

MATEUS 27:1

Dung torang arina i martahi ma sude angka Sintua Ni Malim dohot angka hatobangon ni halak Jahudi manontuhon sanga na bia baenon ni halahi mamunu Jesus.

MARKUS 12:7

Tapi marsipandohonan ma angka na markarejo i sama halahi, ‘On ma halakna na giot manean i. Tabunu ma on dison anso di hita sude siteanonnia i!’

MARKUS 14:1

Dua ari nari noma anso Ari Pesta Paskah – dohot Roti Na So Marragi. Manjalak-jalahi dalan ma angka sintua ni malim dohot angka Siboto Surat laho manangkup Jesus sip-sip anso dibunu halahi Ia.

JOHANNES 11:53

Jadi mamungka sian ari i, martahi-tahi ma halak Jahudi i laho mamunu Jesus.

BAENON NI ANGKA RASUL 23:12

Manyogotna i, adong ma halak Jahudi marlagut mambaen kompolotan. Disumpahon halahi ma na so ra halahi mangan sanga minum anggo so jolo dibunu halahi si Paulus.

1 SAMUEL 19:1

Didok si Saul ma tu si Jonatan anaknia i dohot tu sude pagawenia na giot bunuonnia si Daud. Tapi na holongan do roha ni si Jonatan tu si Daud,